Një atmosferë e tensionuar dhe e mbushur me emocione ka pushtuar rrugët jashtë Dhomave të Specializuara në Hagë, ku po mbah...
LIFESTYLE
Sot është dita e fundit për të votuar Sunny Hill si njërin prej festivaleve më të mira në Evropë
PiranjatPërditësimi i fundit 19 Nëntor 2025, 13:50
Ka mbetur vetëm pak kohë për të votuar Festivalin Sunny Hill si një prej festivaleve më të mira në Evropë. Në kuadër të “European Festival Awards”, Sunny Hill konkuron në kategorinë e festivaleve të mesme për nga madhësia, dhe mbështetja e publikut është vendimtare për të siguruar vendin në mesin e më të mirëve.
Vota mund të jepet online përmes këtij linku: https://www.surveymonkey.com/r/publicvoting25, duke zgjedhur Sunny Hill në kategorinë për festivale të mesme. Çdo votë është një kontribut për të vlerësuar arritjet artistike dhe ndikimin e festivalit në skenën muzikore ndërkombëtare.
Vitin e kaluar, Sunny Hill u rendit ndër 5 festivalet më të mira në Evropë, duke dëshmuar kualitetin e lartë artistik dhe ndikimin e tij në industrinë e muzikës. Edhe këtë vit, pjesëmarrja në garë është një tregues i vazhdimësisë së suksesit dhe përkushtimit të festivalit ndaj skenës muzikore.
Nëpër vite, Sunny Hill ka sjellë në Prishtinë artistë të njohur ndërkombëtarisht si Dua Lipa, Calvin Harris, J Balvin, Martin Garrix, Miley Cyrus, Shawn Mendes, Peggy Gou dhe shumë të tjerë, duke e bërë festivalin një atraksion global për adhuruesit e muzikës.
Organizatorët ftojnë të gjithë ndjekësit, partnerët dhe komunitetin e gjerë që të japin votën e tyre sot dhe të ndihmojnë Sunny Hill të ruajë vendin e tij ndër festivalet më të mira në Evropë.
