Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
POLITIKE
"Lali Eri aksioner i hotelit, SPAK nuk po lëviz as gishtin për të hetuar"/ Këlliçi: Drejtorët e kompanisë 5D po firmosin nga burgu...
r.llPërditësimi i fundit 8 Korrik 2024, 22:34
belind kellici
TIRANË- Anëtari i kryesisë së Partisë Demokratike, Belind Këlliçi tha se SPAK nuk "po lëviz as gishtin" për hetimin e Erion Veliajt, pas sekuestrimit të telefonave që u është bërë punonjësve të kompanisë 5D. Mes këtyre telefonave u gjet një bisedë e shtetases Jona Bejko e cila deklaron se "aksioner te hoteli është Lali Eri".
I ftuar në emisionin "Të Paekspozuarit" në MCN TV, Këlliçi iu përgjigj edhe një deklarate që raportohet se ka bërë kreu i SPAK për gazetarët, duke thënë se ai duhet t'i depozitojë provat në SPAK nëse i ka ato.
Këlliçi tha se ka depozituar mijëra faqe me prova në SPAK, ndërkohë që foli edhe për një denoncim të ri, duke pretenduar se ka të dhëna që drejtorët e 5D, po firmosin dokumenta në burg.
"Dumani kot nuk më kërkon të filloj edhe punë atje... Bëhet fjalë për një denoncim që kam kryer ditën e premte, nga ku kam deklaruar që nga burgu i Fierit, ku janë në qeli drejtorë e 5D, kam informacione të sigurta, që të hetojë një fenomen, që ka të bëjë me faktin që këta tre drejtorët, që janë pronarët fiktikë të 5D, po bëjnë emërime dhe po plotësojnë praktika shkresore të vjetra dhe të mbartura në vite, sepse nuk i kanë bërë në rregull. Në Bashkinë e Tiranës ka vajtur KLSH dhe jam informuar në rrugë të ndryshme për këtë fenomen. Janë konstatuar shkelje të shumta dhe po u çohen dosjet në burg që të firmosin.
Këtë e kam bërë publik qëllimisht që të tërheqë edhe vëmendjen e SPAK, që disponon burime njerëzore dhe mënyrë interceptimi, që mund t'i vendosë në survejim, që të ndalet ky fenomen. Në raport me 5D, kam depozituar vitin e kaluar, pasi kam bërë publike në prill fenomenin, kam depozituar kallëzim të detajuar. Në dijeninë time, gjithçka është kryer nga prokurori ka të bëjë me procedurat që unë kam denoncuar, detajet që i kam dhënë prokurorisë speciale.
E vetmja gjë qe kam parë në media, kanë sekuestruar telefona, ku punonjësja e 5D thotë aksioner te hoteli është Lali Eri. Për këtë çështje SPAK-u nuk ka lëvizur gishtin. Keni Arben Ahmetajn që thotë se pronar faktit është Erion Veliaj. SPAK fle shumë mbi këto fakte. Zoti Dumani, nuk e di se çfarë kërkon më. Çdo dokument do ta depozitoj në SPAK. Kam depozituar mbi 1800 faqe prova, fakte, dokumenta, transaksione bankare. Janë 160 faqe në lidhje me 5D. Kam çuar shkresë zotit Dumani për sekuestrimin e aseteve të 5D. Ende nuk ka sekuestrim.
Nestor Muhametllari, vijon të jetë në gjendje të lirë dhe të shesë prona, apartamentet e kësaj kompanie. Nuk ka nevojë zoti Dumani ti tregoj unë që duhet të sekuestrohet kompania 5D. Të bëjë atë që bëri me kompaniën Daam, që iu sekuestruar drejtorit menjëherë. Kanë kaluar tre muaj e gjysmë dhe SPAK nuk ka lëvizur gishtin për paratë. Nëse vijon skema kështu, drejtorët bëjnë një apo dy vite burg.. Janë dy vendimet të gjykatës së apelit të GJKO, që duhet të trajtohen si grup kriminal", tha Këlliçi.
