Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
27 vite nga nisja e Epopesë së UÇK-së/ Kurti: Është ritmi i lirisë dhe historisë së Kosovës! Prekazi, dëshmia e flijimit
M.B.Përditësimi i fundit 5 Mars 2025, 14:01
KOSOVA- Kryeministri i Kosovës, Albin Kurti ka thënë se Epopeja e UÇK-së është një prej ngjarjeve më të lavdishme. Kurti theksoi se në atë lëndinë të Prekazit emrat Jashari dhe të tjerët që prehen me ta janë emrat absolut të lirisë. Po ashtu Kurti e cilësoi Prekazin si një monument i vullnetit për liri duke theksuar se ai përbënë një nga realizimet më të rëndësishme. Ai shtoi se në mandatin e tij qeverisës, përcaktimin më të lartë e kanë pasur në zhvillimin e kësaj linje në mbajtjen e këtij ritmi.
Pjesë nga fjala e Kurtit gjatë mbledhjes solemne të Qeverisë së Kosovës:
Ato tri ditë të marsit i kemi quajtur si Epopeja e UÇK-së. Ngjarja që përmblidhet nën fjalën epope, krejt sikurse emri që i është vënë na e ka ritmuar historinë tonë bashkëkohore të më shumë se një çerek shekulli. Emrat Shaban, Adem dhe Hamzë janë kthyer në absolutët tanë, gratë e familjes Jashari janë bërë simboli i marrdhënies mes gruas së popullit autokton dhe mëkimit të ndjenjës së atdhedashurisë. Fëmijët e familjes Jashari janë tashmë simboli më i madh i masës historike të flijimit të popullit tonë.
E në atë datë kur lindi edhe Ademi i madh në datën më historike të shqiptarëve 28 nëntorin, shpallet publikisht edhe UÇK-ja. Na takon neve si popull e shoqëri, në qeverisje e zhvillim ta ruajmë atë ritëm të bërjes së historisë. Çfarë themi kur themi se Epopeja na ka përcaktuar një ritëm, ç’është ky ritëm e gjejmë në fjalët e bacës Rifatë në 25 vjetorin e Epopesë ku tha “mbi luftën e gjakun të gjejmë një gjuhë të përbashkët”. Në Kuvend e artikuloi edhe më tej “të jemi të një gjuhe për tu ndarë njëherë e mirë prej Serbie, e pastaj kemi kohë për tu marrë me të gjitha të tjerat”. Baca Rifat na kujtoi edhe njëherë ritmin e lirisë së plotë.
Shtet si sovranitet, për liri të popullit në territor me integritet. Epopeja e UÇK-së ka vetëm një adresë, liri nga pushtuesi serb dhe vetëm një horizont, bashkimin tonë. Që nga ajo ditë çdo politikë e jona është në parim e përcaktuar. Emri Epope për një ngjarje të tillë nuk është vetëm për ato tri ditë por për tërë kohën liridashëse e shtetformuese. Ky monument prezanton gurthemelin e çlirimit të vendit tonë dhe shembullin botëror të flijimit për liri. Çdo kompromis me Epopenë dhe përcaktimin e saj, është kompromis dhe pazar me qenien me lirinë tonë, i cili sjell më pak liri, pa sjell robëri. Sovraniteti është një emancipim, çdo lëshim në kufi apo në veri ishte vetëm një korruptim i sovranitetit në të kaluarën.
