Inspektorati i Lartë i Deklarimit dhe Kontrollit të Pasurive dhe Konfliktit të Interesit (ILDKPKI) raporton se gjatë vitit 2025 ka vijuar ...
POLITIKE
A do t’i arrijë PS 80 mandate? Rama: Kemi makineri gjithmonë e më të sofistikuar në aspektin elektoral
n.fPërditësimi i fundit 11 Prill 2025, 13:36
TIRANË- Kryeministri Edi Rama në çelje të fushatës elektorale ka dhënë një intervistë ku ka treguar disa detaje në lidhje se si është konceptuar kjo fushatë elektorale. Rama në një intervistë për "Top Channel" u pyet se sa i arritshëm është objektivi i Partisë Socialiste për të fituar 80 mandate në këto zgjedhje.
Rama u shpreh se PS bën anketime të vazhdueshme për të lexuar dhe kuptuar sa më mirë njerëzit. Sipas tij objektivat e tyre nuk janë thjesht dëshira por janë të bazuara në realitetin e fakteve.
Gazetari: Sa i arritshëm është objektivi i Partisë Socialiste për të fituar 80 mandate në këto zgjedhje?
Edi Rama: Nuk e di kush ju a ka thënë këtë objektiv. Objektivat tanë janë objektiva që lidhen sa me dëshirën, aq me leximin shkencor të realitetit elektoral. Ju e dini shumë mirë, ne bëjmë anketime të vazhdueshme. Kemi një instrument shumë të konsoliduar të anketimeve të brendshme që e bëjmë çdo muaj për arsyet që ne kemi, për të lexuar dhe kuptuar sa më mirë njerëzit.
Nga ana tjetër kemi një makineri gjithmonë e më të sofistikuar të PS në aspektin elektoral, që mbledh të dhëna në terren dhe mbi të gjitha këto, ne ndërtojmë dhe objektivat që nuk janë thjeshtë dëshira, por janë të bazuara në realitetin e fakteve dhe besoj që në pikën e Kuçit do e shkruaj se cili do të jetë rezultati edhe kësaj radhe dhe besoj që do dalë.
