Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
PD hap zyrtarisht sot fushatën zgjedhore! LaCivita krah Berishës
E.DPërditësimi i fundit 11 Prill 2025, 07:54
TIRANË- Partia Demokratike do të nis sot zyrtarisht fushatën elektorale për zgjedhjet parlamentare të 11 majit. Ky moment paraprihet të nisë që prej orës 18:00 nga aktivitetet e të rinjve, në sheshin “Nënë Tereza”. Drejtuesi i fushatës, Chris LaCivita, do të jetë krah Sali Berishës, të cilët do tu drejtohen shqiptarëve më fjalimet e tyre.
Ndërkohë vetë kreu i Partisë Demokratike Sali Berisha dje nuk zbuloi detajet e hapjes së fushatës elektorale, por ai foli për mbështetje të madhe të shqiptarëve për PD-në në garën e 11 majit. Në prag të çeljes zyrtarisht të fushatës, Berisha nuk tregoi shumë detaje dhe zgjodhi të bëjë vetëm batuta.
Sipas tij, gjithçka është gati për çeljen zyrtare të fushatës, skenarin e së cilës preferon ta mbajë surprizë, duke e krahasuar me ceremoninë e martesës së një çifti. Ndryshe nga Kryeministri Edi Rama, Berisha i nuk preferon të flasë me shifra kur bëhet fjalë për mandatet që thotë se do rikthejnë në pushtet demokratët pas 12 vite qëndrimi në opozitë. Teksa ka nisur edhe paketimi i fletëve të votimit për diasporën, Berisha premtoi se ai dhe të vetët do të qëndrojnë në këmbë për një proces transparent.
“Ne po e mbrojmë atë votë dhe do të ndjekim çdo proces të saj, gjersa ajo të numërohet e tëra me transparencë. Në një hark kohor treditor të kenë çështje në agjendën e tyre Shqipërinë, problematikat e saj madhore, zgjedhjet e dhunuara sistematikisht, krimin e organizuar që ka kapur majën e shtetit, terrorin politik dhe shtypjen e opozitës. U shpreh shqetësimi më i madh për industrinë e blerjes së votës të Edi Ramës.
Në Bruksel u denoncua me zë të lartë, nënkupton asgjësimin e shtetit ligjor. Në qoftë se vendimet e gjykatës më madhore të vendit nuk zbatohen, në njëfarë mënyre përbën një grusht shteti. Do mund t’ua shesë kush më dështimin spektakolar duke u mohuar shqiptarëve të drejtën e një procesi ligjor me reformën e George Soros. Të mbrosh këtë reformë është njëlloj si të thuash qytetarët shqiptarë nuk meritojnë drejtësi”, tha Berisha.
