Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
POLITIKE
"Akte që i kryen vetëm një zyrtar që i trembet transparencës!" Denoncimi nga "Piranjat", Bardhi: Dhuna në mënyrë të përsëritur nga Kryebashkiakja e Roskovecit ndaj gazetarëve, meriton ndëshkim
M.B.Përditësimi i fundit 21 Nëntor 2024, 16:20
ROSKOVEC- Kreu i Grupit Parlamentar të Partisë Demokratike, njëherësh dhe drejtuesei politik i qarkut të Fierti për PD-në, Gazment Bardhi ka bërë një postim në rrjetet sociale ku i referohet një rasti përplasjeje fizike ku përfshihej një gazetare e emisionit investigativ "Piranjat" dhe vartësit e kryebashkiakes së Roskovecit, Majlinda Bufit.
Bardhi shkruan në rrjetet sociale krahas videos se dhuna e nxitur në mënyrë të përsëritur nga Kryebashkiakja e Roskovecit Majlinda Bufi, ndaj gazetarëve në krye të detyrës, është një akt kriminal që meriton ndëshkimin dhe reagimin e duhur ligjor dhe pa asnjë vonesë nga institucionet ligjzbatuese.
Ai shton se investigimi profesional i emisionit “Piranjat” që ka provuar disa herë abuzimet me detyrën të Kryebashkiakes Bufi, nuk janë arsye për të urdhëruar vartësit që të ushtrojnë dhunë ndaj gazetarëve që i shërbejnë interesit publik dhe transparencës.
Po ashtu Bardhi thotë se sjellja e dhunshme veçse provon vërtetësinë e investigimit të kryer. Gjithashtu ai thotë se shehja nga gazetarët, dhunimi i tyre, apo mbyllja e institucionit ndaj medias, janë akte që i kryen vetëm një zyrtar që i trembet transparencës, të vërtetës dhe që ka abuzuar me detyrën.
REAGIM I DREJTUESIT POLITIK TË QARKUT FIER, GAZMENT BARDHI:
Dhuna e nxitur në mënyrë të përsëritur nga Kryebashkiakja e Roskovecit Majlinda Bufi, ndaj gazetarëve në krye të detyrës, është një akt kriminal që meriton ndëshkimin dhe reagimin e duhur ligjor dhe pa asnjë vonesë nga institucionet ligjzbatuese.
Investigimi profesional i emisionit “Piranjat” që ka provuar disa herë abuzimet me detyrën të Kryebashkiakes Bufi, nuk janë arsye për të urdhëruar vartësit që të ushtrojnë dhunë ndaj gazetarëve që i shërbejnë interesit publik dhe transparencës.
Sjellja e dhunshme veçse provon vërtetësinë e investigimit të kryer. Fshehja nga gazetarët, dhunimi i tyre, apo mbyllja e institucionit ndaj medias, janë akte që i kryen vetëm një zyrtar që i trembet transparencës, të vërtetës dhe që ka abuzuar me detyrën.
Duke dënuar me forcë dhunën ndaj gazetarëve, ri-apeloj institucionet përgjegjëse që të veprojnë menjëherë. Media e lirë dhe ushtrimi i pafrikësuar i profesionit nga gazetarët janë themelore për demokracinë në vend.
