Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Kuvendi Kombëtar i Gjuhës Shqipe, Rama: Ka shumë rreziqe, por do të mbijetojë
I.APërditësimi i fundit 21 Nëntor 2024, 10:59
TIRANË- Kryeministri Edi Rama ka deklaruar se gjuha shqipe po has shumë presione dhe rreziqe në këtë shekull. Në Kuvendin Kombëtar të Gjuhës Shqipe, Rama tha se rrjetet sociale janë një kërcënim për gjuhën shqipe dhe jo vetëm. Po ashtu Rama shtoi se nxënësit sot jetojnë në kushtet e një presioni të llahtarshëm kundër gjuhës shqipe.
“Ky është një falënderim që lidhet me një ndjesi befasie që unë personalisht përjetova nga niveli i konkursit dhe nga fakti që duke parë ata nxënës të konkurrojnë në këtë lëndë jo të lehtë. Kjo kur me tepër jetojnë në kushtet e një presioni kundër gjuhës shqipe. Kjo si rezultat i rrjeteve sociale. Ju them që mendova se ka ende shpresë që gjuha shqipe t’i mbijetojë barbarisë së këtij shekulli që kërcënon gjuhët në tërësi dhe vetë rrënjët e njerëzimit në përgjithësi. Në vitin 1972, asokohe isha në klasën e dytë, Eqerem Çabej ka publikuar një ese për gjuhën shqipe. Në atë ese Cabej shkruan ‘shqiptari ka pasur shumë emra, por gjuha është 1. Mendime ka që të ketë dalë nga emri i shqipes, emri nga shpendi qysh prej kohës së Skënderbeut. Sot ky Kuvend i Gjuhës Shqipe është përmbajtjesor për disa arsye të rëndësishme, në përvjetorin e 116 të miratimit të alfabetit. Është një moment kur shqipja bëhet faktikisht edhe përmes kësaj date të veçantë, një përkatësi e përbashkët për të gjithë ne”, u shpreh Rama.
