Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Ambasadori Gonzato takon kryetaren e KLP-së: Një sistem gjyqësor efektiv dhe i pavarur mbetet kyç për të ardhmen e vendit në BE!
n.fPërditësimi i fundit 10 Janar 2025, 18:16
Takimi
TIRANË- Ambasadori i Bashkimit Evropian në Shqipëri, Silvio Gonzato ka zhvilluar një takim me kryetaren e Këshillit të Lartë të Prokurorisë (KLP), Mirela Bogdanin. Gjatë takumit u diskutua mbi prioritetet dhe sfidat e Këshillit në kuadër të procesit të integrimit të Shqipërisë në Bashkimin Evropian. Takimi gjithashtu u përqendrua edhe në standardet për Kapitullin 23, që përfshin aspektet e gjyqësorit dhe të drejtat themelore.
Ambasadori Gonzati u shpreh se BE-ja mbetet e përkushtuar për të mbështetur Këshillin e Lartë të Prokurorisë në përditësimin e praktikave në përputhje me reformën e vitit 2016 dhe standardet evropiane si dhe promovimin e koordinimit të ngushtë midis të gjitha institucioneve të drejtësisë
"Një sistem gjyqësor efektiv, i përgjegjshëm dhe i pavarur mbetet kyç për të ardhmen e vendit në BE. Dje takova znj. Mirela Bogdani, Kryetare e Këshillit të Lartë të Prokurorisë, për të diskutuar mbi prioritetet dhe sfidat e Këshillit në kuadrin e procesit të integrimit të Shqipërisë në BE, veçanërisht standardet për Kapitullin 23, që mbulon gjithashtu gjyqësorin dhe të drejtat themelore.
E përgëzova KLP-në për përpjekjet e tyre për të rritur cilësinë në dhënien e drejtësisë për qytetarët shqiptarë dhe njëkohësisht kërkova dyfishimin e këtyre përpjekjeve. BE-ja mbetet e përkushtuar për të mbështetur Këshillin e Lartë të Prokurorisë në përditësimin e praktikave në përputhje me reformën e vitit 2016 dhe standardet evropiane, gjithashtu promovimin e koordinimit të ngushtë midis të gjitha institucioneve të drejtësisë," tha Gonzato.
