Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
POLITIKE
“Amerika i rregullon gjërat me bomba”/ Rama intervistë për gazetën austriake pranon pastrimin e parave por justifikohet
PiranjatPërditësimi i fundit 27 Nëntor 2025, 21:39
Kryeministri Edi Rama pyetet nga gazeta austriake ‘Die Presse’, nëse çështja e pastrimit të parave rrezikon negociatat për integrimin, Rama tha se kjo zhurmë kaq e madhe është qesharake. Gjatë intervistës, Rama thotë se në Shqipëri ka probleme sa i përket pastrimit të parave, por sipas tij nuk janë raste që të kthehen në problem për Evropën. Ai shtoi Shqipëria është thjesht një vend shumë i vogël ku të pastrohen para.
“Po bëjmë këtë detyrë që ta bëjmë Shqipërinë ndryshe. Dhe ta bëjmë Shqipërinë më… më evropiane, më demokratike, më të bazuar te institucionet e veta e jo te figurat e veta, e kështu me radhë.
Pra, Bashkimi Evropian është i vetmi burim i këtij lloj përvoje. Po marr shembullin e Afganistanit apo Irakut. Ata dështuan keq sepse nuk e kanë perspektivën e Bashkimit Evropian.
Dhe sepse askush tjetër nuk di të ndërtojë një shtet me institucione. Amerikanët nuk kanë durim për këtë punë. Ata e kanë filozofinë e rregullimit të gjërave me bomba. Por… procesi i gjatë është diçka që vetëm Bashkimi Evropian di ta bëjë.
Dhe diçka që vetëm Evropa e ka, le ta quajmë një thesar — s’po them thesar kombëtar se s’është vetëm një komb, është thesar i këtij kontinenti. Mendoj se Tirana apo Shqipëria është thjesht një vend shumë i vogël ku të pastrohen para.
Është thjesht një pjesë e jona. Kemi një shprehje: “më mirë mut se i vogël”. Po, kemi probleme, por nuk janë të tilla që të kthehen në problem për Europën, kjo është çmenduri,” tha Rama.
