Pas ditës së pestë të protestës studentore, kryeministri Edi Rama njoftoi se efektivët e angazhuar në protestë do të...
POLITIKE
Komisioni i Territoriales/ Luçiano Boçi: Reforma e parë dështoi!
PiranjatPërditësimi i fundit 27 Nëntor 2025, 12:55
Ditën e sotme është mbedhur Komisioni i Posaçëm Parlamentar për Reformën Administrativo-Territoriale.
Bashkëkryetari Luçiano Boçi ka deklaruar se pavarësisht se “shitet” sikur ky komision u krijua si përgatitje për anëtarësimin në BE, në të vërtetë kjo vjen pas dështimit të reformës paraardhëse territoriale.
Boçi: Shqipëria po bëhet gati të hyjë në BE dhe duhen standarde dhe në nivel lokal. Ajo që na ka bërë bashkë nuk është në fakt BE por dështimi i reformës së 2015, që u kthye në një centralizim duke i hequr kompetenca pushtetit lokal dhe duke e çuar qeverisjen vendore në mos funksionim në disa territore. Kërkesa kryesore është më shumë bashki dhe më shumë shërbime. Pra një Reformë e re Territoriale. Jemi këtu për të bashkëpunuar, por jo për të qenë bashkë për një rezultat që mazhoranca ka parapërgatitur.
Aspekt shumë i rëndësishëm i komunikimit është llogaridhënia. Dhe sot nuk ka llogaridhënie dhe prandaj ndodhin dhe këto gjëra që unë i thashë pak më parë. Po mos të marrim argumenta të kundërt. PD-ja u ul në tryezën e 2015-ës, ishte për zvogëlimin e numrit të bashkive, por duke respektuar ato parime dhe standarte të cilat i dëgjova dhe sot, domethënë, janë dëgjuar dhe atëherë, forcimin e bashkive në pikëpamje financiare, në pikëpamje të autonomisë, rritje e shërbimit publik, thashë zhvillimi i ekuilibruar i territorit, se këto janë thënë dhe atëherë, po nuk u respektuan.
