Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
POLITIKE
Apeli i GJKKO la në burg Veliajn, nga kontrollet te dëshmitë dhe sekuestrimi i celularëve, SPAK informon për hetimet 2 mujore
M.B.Përditësimi i fundit 23 Prill 2025, 15:56
TIRANA- Apeli i Gjykatës së Posaçme ka lënë në fuqi vendimin e shkallës së parë për kryebashkiakun Erion Veliaj. Sipas gazetares Klodiana Lala, gjatë seancës, gjykata u njoh me informacionin dy mujor dhe hetimor të kryera nga SPAK.
Sipas Prokurorisë së Posaçme, deri në këto momente janë realizuar 112 hetimore, duke përfshirë kontrollin e celularëve të sekuestruar si dhe marrjen e dëshmisë. Proceduralisht, avokatët e Veliajt kanë kërkuar ndryshimin e masës së sigurisë për Veliajn, por gjyqtari Erjon Bani ka refuzuar. Gjatë seancës, përfaqësuesit e SPAK kanë kërkuar që masa e sigurisë “arrest me burg” të vazhdojë.
Veliaj u arrestua në zyrën e Bashkisë më 10 shkurt si i dyshuar për kryerjen e veprës penale të “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë) dhe “Pastrimi i produkteve të veprës penale ose veprimtarisë kriminale”. Bashkëshortja e kryebashkiakut, Ajola Xoxa është lënë në masë sigurimi "detyrim paraqitje".
Sipas SPAK nga të dhënat konkrete të mbledhura deri në këtë fazë të hetimit paraprak, në mënyrë të përmbledhur rezulton se, nga personat nën hetim, specifikisht Veliaj edhe bashkëshortja e tij është ideuar, krijuar dhe vënë në funksionim një mekanizëm që ka synuar dhe ka bërë të mundur, në praktikë, marrjen e përfitimeve të parregullta, të cilat burojnë nga fondet publike që administrohen nga Bashkia Tiranë, përmes titullarit të saj, me qëllim pasurimin personal të këtij të fundit dhe familjes së tij, përmes veprimeve të kamufluara dhe të kundërligjshme.
