Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
POLITIKE
Takimi i PD në Korçë, Rama: Dje e morën vesh të gjithë pse Latifi i Trump u takua ca ditë më parë më Vrenozin e Korçës! Ai është defakto "The boss"
r.llPërditësimi i fundit 23 Prill 2025, 14:57
edi rama
TIRANË- Kryeministri Edi Rama ka reaguar përmes një videoje në rrjetet e tij sociale lidhur me deklaratat e demokratit Ilir Vrenozi, në takimin e djeshëm të PD-së në Korçë. Rama tha me ironi se Vrenozi është i vetmi që mund ta udhëheqë "kënetën pa u bërë qesharak në premtime".
Më tej shtoi se demokrati shpalosi me fjalimin e tij programin real të Partisë Demokratike. Rama u shpreh gjithashtu se më 11 maj demokratët e Korçës do të vendosin vetë nëse do zgjedhin Bashkimin Europian apo opozitën.
“Dje e morën vesh besoj të gjithë pse Latifi i Trump u takua ca ditë më parë më Vrenozin e Korçës. Sot besoj se askush nuk ka më çfarë thotë as për arsyen e kërkesës sime për kafe me të. Qëkur e pashë takimin e Vrenoz me Tifen, më dogji, e kapa që Latifi kishte kuptuar atë që unë e kisha kuptuar kohë më parë. Bufi nuk tërheq më. Ilir Vrenozi është i vetmi që mund ta udhëheqë kënetën pa u bërë qesharak në premtime që po gajasin dynjanë dhe as për gjynah në ato rrjedhjet e shpeshta në fjalimet e tij.
Dje Vrenozi e mori në dorë drejtimin real nga Korça ku për të më goditur mua, rivalin e tij të drejtpërdrejtë nesër dhe rang kombëtar, lëshoi nga goja programin real të asaj partie dhe ngriti peshë turmën fanatike siç kishim kohë pa parë. Njësoj si në kohën kur bufi i printe me histeri, ajo turmë deri mbrëmë ishte ujë i ndenjur me zhurmë bretkosash. Ky zhvillim i ri dhe i fuqishëm në frontin e kënetës, e bën më të qartë zgjedhjen e 11 majit, duke nisur nga Korça, ku Vrenozi hyri në garë si një hipopotam në një dyqan qelqurinash dhe u ofroi korçarëve modelin shembullor, shumë të sinqertë të kënetës madhështore.
Demokratët e Korçës do ta vendosin vetë se ç’duhet të ndodhë më që ata të bëjnë atë që duhet në votën e 11 majit kur duhet të zgjedhin për BE apo kënetë… Ama bluza e Vrenozit dje e kishte mesazhin qartësisht madhështor. Mbi të shkruhej ç’ka i thoshte të gjitha… bos! Ai është sot defakto ‘the boss’. Bosi i atyre që nuk do ikin nga këneta deri sa ta shohin në fronin e bufit plak, në fillim në Korçë e më pas pse jo në vend të bufit. Korçë o Korçë të lanë Vrenozin të të bëjë madhështor. Shih e bëj, por vetëm më shaka mos e merr aleancën e Vrenozit të Korçës me Latifin e Trump”, tha Rama.
