Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
Balluku merret e pandehur nga SPAK/ Xhaferri: Ja çfarë po e fundos Belindën, në krye të kësaj qëndron Rama
PiranjatPërditësimi i fundit 23 Tetor 2025, 15:21
Besart Xhaferri, deputet i Partisë Demokratike, ka reaguar për zhvillimet e fundit lidhur me hetimet ndaj Belinda Ballukut. Nga një postim në rrjetet sociale, ai thotë se telefonat e vartësve të saj kanë zbuluar afera korruptive me vlerë miliona euro, duke përfshirë një mesazh që ka qarkulluar nga Evis Berberi, ish-drejtori i ARRSH-së, ku përmenden edhe disa pagesa.
Xhaferri thotë se, SPAK ka ndjekur një hetim të thellë për të gjithë vartësit e Ballukut, disa prej të cilëve janë në arrest, disa janë nën hetim dhe disa janë në arrati. Sipas tij, këto hetime kanë sjellë prova që çojnë drejtpërdrejt te Belinda Balluku, e cila tashmë është e pandehur në SPAK.
Reagimi:
500 mijë euro për profesorët e Harvardit, 320 mijë për ne të pashkollët” Telefoni i Berberit po fundos edhe Ballukun!
Belinda Balluku zyrtarisht është e pandehur në SPAK, pasi telefonat e vartësve të saj kanë ekspozuar afera korruptive me vlerë miliona euro.
Të gjithë ish-drejtorët e Belinda Ballukut janë nën lupën e SPAK-ut, ku një pjesë janë në qeli, një pjesë nën hetim dhe një pjesë në arrati.
Në telefonin e ish-kreut të ARRSH-së, Evis Berberi, u gjet një mesazh drejtuar Benet Beçit, ku shkruhej: “500 mijë euro për profesorët e Harvardit, 320 mijë për ne të pashkollët.”
Me gjasë, i njëjti telefon sot po fundos edhe Belinda Ballukun. Pa më të voglin dyshim, ajo është simboli i babëzisë dhe korrupsionit, por në krye të kësaj piramide qëndron Edi Rama.
Sa kohë që SPAK-u, pasi kaloi në sitë të gjithë vartësit e Ballukut dhe fijet e çuan te vetë Belinda, nuk ka asnjë arsye që duke qenë se të gjithë vartësit e Ramës janë në SPAK Prokuroria e Posaçme të mos shkojë deri te Rama.
