Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
POLITIKE
“Bëj punën tënde, mos fajëso të tjerët!” – Zyrtari britanik ‘thumbon’ Ramën: Shqiptarët s’do iknin nëse qeveria do punonte!
PiranjatPërditësimi i fundit 22 Tetor 2025, 12:20
Kryeministri Edi Rama është vënë sërish në qendër të vëmendjes në Britani, por këtë herë për çështjet e brendshme të Shqipërisë. Një zyrtar i lartë i Ministrisë së Brendshme britanike, në një deklaratë për “Express”, ka kritikuar mënyrën se si po qeveriset vendi, duke nënvizuar se problemet sociale dhe ekonomike në Shqipëri janë arsyeja kryesore pse mijëra qytetarë zgjedhin të largohen çdo vit.
Sipas tij, në vend që të fajësohen vendet e tjera për valën e emigracionit, liderët shqiptarë duhet të reflektojnë mbi situatën e brendshme. “Nëse do të kishte më shumë përkushtim për të përmirësuar jetën e qytetarëve në vendin e tij, nuk do të shihnim kaq shumë njerëz që ikin,” – tha zyrtari, duke shtuar se politikat populiste nuk i zgjidhin problemet reale të qytetarëve.
Kritikat vijnë në një moment kur vetë Rama, në vend që të reflektojë mbi shkaqet që i shtyjnë shqiptarët të largohen në masë – korrupsioni, mungesa e shpresës dhe dështimi për të ofruar perspektivë – preferon të bëjë ironi me vendimet politike të vendeve të tjera, si Brexit-i. Por përballë numrave të ftohtë dhe burgjeve britanike të mbushura me shtetas shqiptarë, ironia e tij nuk i bind më as akënd, madje është bërë si lolo në çdo tryezë ndërkombëtare ku merr pjesë.
Burimi i Ministrisë së Brendshme në MB: Edi Rama s'e ka idenë çfarë thotë. Nëse do ta bënte vërtet punën e tij, shqiptarët nuk do të iknin në masë drejt Britanisë.
Kryeministri i Shqipërisë ka shkaktuar zemërim pasi tha se Brexit e ka bërë Britaninë "të dëshpëruar" dhe ka çuar në shtimin e kalimeve me varka të vogla. Në komente shpërthyese mbi vendimin historik për të dalë nga BE-ja dhe krizën e emigracionit të paligjshëm, Edi Rama tha: "Disa i quajnë varka të vogla, disa i quajnë varka të Brexit-it."
Kryeministri britanik Sir Keir Starmer do të presë të mërkurën liderët nga Ballkani Perëndimor, përfshirë edhe zotin Rama, teksa kërkon të forcojë përpjekjet për të ndaluar bandat e kontrabandës dhe për të ndaluar migrantët që kalojnë përmes Europës./ Daily Express
