Inspektorati i Lartë i Deklarimit dhe Kontrollit të Pasurive dhe Konfliktit të Interesit (ILDKPKI) raporton se gjatë vitit 2025 ka vijuar ...
POLITIKE
Berisha: 11 maji është dita e gjykimit për Edi Ramën, është dita e verdiktit të rinisë
n.fPërditësimi i fundit 2 Prill 2025, 18:26
TIRANË- Kreu i Partisë Demokratike, Sali Berisha gjatë fjalës së tij në takimin me të rinjtë e FRPD-së u shpreh se rinia shqiptarë nuk ka patur armik më të egër dhe më të pabesë se kryeministri Edi Rama. Ai u shpreh se në këto 12 vite të qeverisjes së Ramës e paguan shtrenjtë të rinjtë shqiptarë.
Sipas tij të rinjtë e paguan me shkatërrimin e shkollës, institucioni më serioz, më i rëndësishëm pas familjes. Berisha theksoi se shkolla shqiptare pësoi një rrokullisje të paimagjinueshme. Ai shtoi se në zgjedhjet e 11 majitështë dita e gjykimit për Edi Ramën, dhe se është dita e verdiktit të rinisë.
"Nuk ka pasur rinia shqiptare një armik më të egër dhe më të pabesë se Edi Rama, ndonjëherë. Nëse ju analizoni këto 12 vite, çmimin më të shtrenjtë në këto 12 vite e paguan të rinjtë shqiptarë, e paguan fëmijët e shqiptarëve, e paguan ata me përhapjen e drogës dhe me humbjen e jetëve të dhjetëra e dhjetëra prej tyre.
E paguan ata me shkatërrimin e shkollës, institucioni më serioz, më i rëndësishëm pas familjes për fëmijët dhe të rinjtë. Shkolla shqiptare pësoi një rrokullisje të paimagjinueshme. Ajo në këto 12 vite ra, pësoi rënien më të madhe në botë. Mendimi krijues i të rinjve shqiptarë në vend se të zhvillohej dhe të kalonte në nivele më të larta në shkollat tona, ra në fund, në fundin e botës për shkak të degradimit të plotë të sistemit arsimor. Tarifat, taksat, varfëruan familjet tuaja dhe ju paguani në universitete, tarifat ndër më të lartat, në mos në proporcion më të lartat në Europë. Në një kohë kur prindërit tuaj, marrin rrogat më të ulëta dhe blejnë me çmime më të shtrenjta.
Kjo bëri që nga viti në vit, të rinjtë të largohen, të largohen dhe vetëm të largohen. Shqipëria të pakësohet, të rrudhet si kurrë ndofta në historinë e saj. Edi Rama në atë subkoshiencën e tij, e dinte se të rinjtë e urrejnë atë. Jo se të rinjtë janë të prirur nga urrejtja, absolutisht jo, përkundrazi, por të rinjtë arrogancën nuk e pranojnë. Të rinjtë, nuk është në psikologjinë e tyre, në formimin e tyre, ata e urrejnë çdo formë të bulëzimit dhe arrogancës. E vërteta është se, ai ka frikë të madhe nga ju. Pse ka frikë ai nga ju? Ai e di që rinia, nuk është vetëm moshë, apo vetëm fazë e jetës, është diçka tjetër më shumë, është një revolucion në shpërthim dhe këtë ai, e pa veten të shkuar pak vite më parë nga studentët. E di që 11 maji është dita e gjykimit për Edi Ramën, është dita e verdiktit tuaj," tha ai.
