Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
POLITIKE
Berisha: Damani, krimineli në krye të organizatës kriminale Skapi i partisë, merr një rrogë 70 milionë lekë në vit
n.fPërditësimi i fundit 28 Maj 2024, 22:05
Berisha
TIRANË- Kreu i Partisë Demokratike, Sali Berisha gjatë fjalës së tij para mbështetësve të tij të mbledhur poshtë banesës ka folur për kryeprokurori i posaçëm i SPAK, Altin Dumani. Gjatë fjalës së tij Berisha tha se Damani është një kriminel në krye të organizatës kriminale Skapi i partisë ndërsa shtoi se ai merr një rrogë 70 milionë lekë në vit.
"Altin 70-milionëshi. A e dini ju se ai Damani, një kriminel në krye të organizatës kriminale Skapi i partisë, merr një rrogë 70 milionë lekë në vit? A mund të imagjinohet kjo? Merr në vit gati tre herë rrogën e presidentit të Republikës. Dhe çfarë bën për të amnistuar vjedhjen, a dëgjuat ju të dalë qoftë një telefonatë e vetme nga mijëra telefonata të Edi Ramës, Belinda Ballukut, Erion Veliajt, Damian Gjiknurit, Pandeli Majkos, Fatmir Xhafës, Linda Nikollës, Ulsi Manjës, kriminelëve elektoralë që shkelmuan votat tuaja me bandat. A nxori një telefonatë të vetme ky kriminel më i madh se secili prej tyre? Sepse e thotë diku Viktor Hygo, midis atij që bën dhe atij që fsheh, 10 herë më i keq është ai që fsheh," u shpreh Berisha.
Berisha gjithashtu tha se askush nuk guxon t’ia përmendë Dumanit 3 apartamentet që siguroi gjer në vitin 2016. Ai shtoi se në 30 vite kam pasur rroga presidenti, rroga kryeministri, kryetar opozite, ka arritur të blejë 30 metër katrorë dhe banon në një apartament i cili është 30 metra më i madh.
"Ky është Altin Dumani, monstra e krimit në krye të Skapit që paguhet në vit 70 milionë. Ky hajdut që në vitin 2016 kishte deklaruar tre apartamente. O miq, ua them unë, me rrogë shteti në mënyrë absolute nuk ka shqiptar që mund të blejë jo tre, por edhe një apartament po nuk mori borxh ose kredi. Në 30 vite kam pasur rroga presidenti, rroga kryeministri, kryetar opozite, kam arritur të blej 30 metër katrorë dhe banoj në një apartament i cili është 30 metra më i madh se ai që kisha në vitin 1987 kur banoja me familjen time.
Po nga i dolën këtij? Po këtë e mbrojnë hajnat. Po ta vini re, nuk ia përmend kush, nuk guxon kush t’i thotë çerek fjale. E lakojnë, e stërlakojnë, por 3 apartamentet gjer në vitin 2016, kur nuk merrte, jo, jo, në atë kohë merrte gjithsej 14 milionë lekë në vit, nuk merrte 70 milionë. Pra, më thoni ju mua, cila është rruga? Përballja, përballja, zemërimi, zemërimi, fitorja," tha Berisha.
