Kreu i Grupit Parlamentar të PD, Gazment Bardhi ka reaguar për ngjarjen e rëndë të ndodhur në Lozhan, ku mbeti i vrarë nj&e...
POLITIKE
Berisha: Erion Veliaj po keqtrajtohet në mënyrë ç'njerëzore, ja çfarë i bëri Edi Rama në sallën e operacionit
PiranjatPërditësimi i fundit 10 Tetor 2025, 13:01
Kreu i Partisë Demokratike në një konferencë për gazetarë, ka deklaruar se sipas tij, Edi Rama e eleminoi Erion Veliajn nga Bashkia e Tiranës në një afat kohor minimal.
Ai shtoi më tej, se Veliajt në momentin që është operuar, kryeministri i ka futur në sallë efektivë të policisë për ta ruajtuar.
Berisha: Erion Veliajn e arrestoi Edi Rama për ta hequr qafe, për ta eliminuar. E arrestoi me një letër të Nesti Angonit, që s’e njeh njeri, një letër që mund ta shkruajë kushdo. E trajtoi në mënyrë çnjerëzore. Imagjinoni ju, të çohet polici pranë tavolinës ku operohet, s’kam dëgjuar ndonjëherë. Në diktaturën më të zezë ndodhte që ‘armiqtë’ i operonin, por policët nuk hynin, rrinin jashtë, jo siç bëri ky, që futi policët në sallën e operacionit të Veliajt.
Tani, i tmerruar prej tij, e shkarkoi. Se sa vlente Erion Veliaj, krahasojeni me Rexh Byberajn, që qëndroi 11 muaj në arrest shtëpie dhe u rikthye pa u shkarkuar, ndërsa Veliajn, në një afat kohor minimal, e shkarkoi, sipas ekspertëve, në kundërshtim me ligjin, vetëm e vetëm për t’i dhënë duart sa më parë.
Pra, ku qëndron PD-ja? PD-ja qëndron në faktin se, pas Edi Ramës dhe Belinda Ballukut, Veliaj është hajduti më i madh në Shqipëri. Por, nga ana tjetër, askujt, cilido qoftë ai, nuk i mohohen të drejtat.
