Ditën e sotme vendi ynë do të ndikohet nga kushte atmosferike të paqëndrueshme.
Moti parashikohet me vranësira mesatare dhe t&e...
POLITIKE
Franca ngre përkujtimore për Ismail Kadarenë, Agron Gjekmarkaj: U kujtuan ata para nesh, jemi mosmirënjohës
PiranjatPërditësimi i fundit 10 Tetor 2025, 11:40
Deputeti demokrat Agron Gjekmarkaj ka reaguar pas vendimit të Këshillit Bashkiak të Parisit, të cilët kanë vendosur një pllakë përkujtimore në nder të Ismail Kadaresë në adresën ku shkrimtari jetoi dhe krijoi për shumë vite.
Ai e quan këtë nderim një gjest të jashtëzakonshëm nga Franca, ndërsa kritikon heshtjen dhe harresën institucionale në Shqipëri, ku sipas tij ende nuk ka një rrugë, shkollë apo monument në emër të Kadaresë.
“Kadare u përcoll me një ceremoni të zbehtë dhe u varros në një vend të thjeshtë, pa madhështinë që meritonte,” shkruan ai, duke shtuar se kjo vjen si pasojë e një “virusi të vjetër të mosmirënjohjes”.
Gjekmarkaj akuzon drejtuesit e institucioneve për mungesë njohjeje dhe vlerësimi ndaj figurave të mëdha të kulturës, duke u shprehur se Europa dhe bota e kanë njohur madhështinë e Kadaresë, ndërsa Shqipëria, vendi i tij, vazhdon të qëndrojë në heshtje.
Agron Gjekmarkaj:
Kadare mes dy qytetërimeve
Një pllakatë në Paris, një heshtje në Tiranë
Këshilli Bashkiak i Parisit vendosi me unanimitet vendosjen e një pllake përkujtimore në nder të Ismail Kadaresë në adresën ku ai jetoi dhe krijoi në Paris, si njohje për kontributin e tij në letërsinë botërore.
Në Francë, ai u nderua me çmime të mëdha dhe u vlerësua si një prej figurave kryesore të kulturës botërore!
Në Shqipëri, në vendin e tij , megjithatë, nuk gjendet asnjë rrugë, asnjë shkollë, asnjë monument që të mbajë gjallë kujtimin e tij. Francezet u kujtuan para nesh!
Kadare u përcoll me një ceremoni të zbehtë gati mediokre e plot nxitim dhe u varros në një vend të thjeshtë, duke reflektuar një mungesë të thellë vlerësimi për veprën që ka ngritur emrin e kombit në botë. Protogonist i asaj ceremoni qe Kryeministri dhe jo Kadare!
Kjo heshtje dhe indiferencë nuk është rastësi. Është si një virus i vjetër i mosmirënjohjes, që ka infektuar mentalitetin tonë kolektiv dhe na pengon të nderojmë ata që na kanë bërë krenarë.
Në këtë virus, shohim vazhdimësinë e një tradite ku mendimi i lirë dhe madhështia kulturore shpesh janë injoruar ose shtypur – një trashëgimi e një mentaliteti autoritar , neotoman e komunist, që ka shtrirje të thella në historinë tonë.
Skënderbeu, Bogdani, Budi, Fishta, Konica, Poradeci, Kuteli, Camaj, Arshi Pipa, Koliqi – të gjithë janë dëshmi të një historie dhimbjeje dhe përjashtimi, shpesh nga vetë shoqëria shqiptare.
Ismail Kadare, njeri prej tyre, me i njohuri shkrimtar shqiptar në Botë, mbetet një dritë që ndiqet më shumë jashtë sesa brenda atdheut të tij.
Në Paris, ai ka sot një pllakatë !
Në Shqipëri, vetëm heshtje dhe harresë. Sa qe gjallë një shpurë servilesh që udhtonin mes tij e pushtetit e ndiqnin nga pas ! Ata të gjithë heshtin teksa lepijbë ndonjë kockë!
Une dyshoj qe Ministri aktual i kultures të ketë lexuar ndonjë veper të Kadaresë! Unë dyshoj që të dijë vleren e ndonjë gjëje i sigurtë që i di çmimin e çdo gjëje! Unë nuk dyshoj që kultura dhe emrat e saj i shkaktojnë atij teshtima si dhive në brymë! Persa kohë jemi në këto kushte i bie vetem të konstatojmë e të merzitemi sipas terezise!
Kadare e ka atdheun e tij e ka gjithmone një strehe Europen! Shqiperia ka nevoje për të, shqiptaret po aq! Dje sot dhe neser!
