Është nën kontratë me Mallorca-n deri në 2028, por në Spanjë dhe Turqi, e bëjnë të sigurt rikthimin e Vedat ...
POLITIKE
“T’i japim përgjigjen e merituar Ramës”/ Berisha: Më 12 mars në orën 10:00, e gjithë Shqipëria tek Parlamenti
PiranjatPërditësimi i fundit 9 Mars 2026, 20:25
Kreu i Partisë Demokratike, Sali Berisha ka deklaruar se më 12 mars në orën 10:00, e gjithë Shqipëria do të jetë tek parlamenti. Gjatë fjalës së tij në foltoren e vendosur para Kryeministrisë, Berisha u shpreh se me 12 mars është dita e pranverës së demokracisë dhe dita e pranverës së demokracisë.
Ai tha se kjo protestë bëhet për ti dhënë përgjigjen e merituar Edi Ramës dhe bandës së tij. Në fund, Berisha u bëri thirrje policëve, ushtarakëve dhe të gjithë punonjësve të administratës, ta sabotojnë çdo ditë këtë regjim.
Sali Berisha: Prapë u drejtohem këtyre policëve unë këtu, dhe të gjithë policëve, të gjithë ushtarakëve, të gjithë punonjësve të administratës, mos mbështesni por sabotoni çdo ditë këtë regjim. Denoncojeni dhe sabotojeni, ta heqim një minutë e më parë, ta hedhim në koshin e plehrave të historisë.
A e patë ju se si mbrojti, më thoni cilin prej jush ka mbrojtur ai në 13 vite siç mbron hajduten, siç mbron vjedhjet e veta, siç mbron kriminelin e damkosur në parlament, Taulant Balla dhe bandën tjetër? Nuk duhet të ndani me këta horra moralin e tyre.
Këta janë kriminelë, janë njerëz që nuk kanë asgjë të përbashkët me moralin tuaj, familjeve tuaja, këta janë antishqiptarë që po zbrazin Shqipërinë, po shkatërrojnë Shqipërinë.Ndaj dhe duhet t’u japim atë përgjigje që meritojnë. Miq, 12 marsi është një ditë e madhe. Me 12 mars të gjithë shqiptarët para parlamentit. Me 12 mars është dita e pranverës së demokracisë. Dita e përmbysjes së madhe të narkoregjimit. Ndaj dhe në ora 10, e gjithë Shqipëria tek parlamenti. T’i japim përgjigjen e merituar Edvin Kristaq Ramës dhe bandës së tij. Rroftë Shqipëria, fitore, fitore!
