Një koncert i zhvilluar mbrëmjen e sotme në zonën e Liqenit Artificial të Tiranës me këngëtarin Ylli Limani, ësht&e...
POLITIKE
Berisha: Unë dhe familjarët e mi nuk jemi më të privuar nga mundësia e udhëtimit në SHBA, u korrigjua një vendim i padrejtë
PiranjatPërditësimi i fundit 12 Qershor 2026, 09:50
Një ditë më parë u raportua se kreut të PD, Sali Berisha iu hoq non grata e vendosur 5 vite më parë nga SHBA. Sot në një sqarim, lideri i PD ka deklaruar se ai dhe familjarët e tij nuk janë më subjekt i kufizimeve për të udhëtuar drejt Shteteve të Bashkuara të Amerikës.
Në një postim në Facebook, Berisha tha se vendimi është marrë pas një rishqyrtimi nga Departamenti Amerikan i Shtetit dhe e cilësoi atë si korrigjim të një padrejtësie të administratës së mëparshme amerikane.
Ai falënderoi administratën e presidentit Donald Trump dhe sekretarin e Shtetit Marco Rubio për atë që e konsideron korrigjim të vendimit.
“Që nga dita e djeshme, pas një rishqyrtimi të thelluar nga Departamenti i Shtetit të çështjes time, unë dhe familjarët e mi nuk jemi më të privuar nga mundësia e udhëtimit në Shtetet e Bashkuara të Amerikës. Pra, dje u korrigjua një vendim i padrejtë i administratës së mëparshme të SHBA-së ndaj meje dhe familjes sime.
Me këtë rast, dua të falënderoj administratën e Presidentit Trump dhe Sekretarin Rubio për korrigjimin e këtij vendimi të padrejtë, i cili ishte i bazuar fund e krye në lobimin korruptiv të Edi Ramës dhe mentorit të tij, George Soros”, shkruan Berisha.
Po ashtu ai u bëri thirrje demokratëve që të vazhdojnë përpjekjet për, sipas tij, rikthimin e votës së lirë dhe garantimin e një të ardhmeje më të mirë për qytetarët shqiptarë.
“Mirënjohje të veçantë dua t’u shpreh sot mbi gjysmë milioni qytetarëve shqiptarë, të cilët, në kushtet tejet të vështira të një autokracie elektorale dhe një narkoregjimi, votuan për mua dhe Partinë Demokratike.
Duke përfunduar, ftoj anëtarët dhe mbështetësit e Partisë Demokratike të vazhdojmë pa rreshtur përpjekjet tona për rikthimin e votës së lirë dhe të ardhmes së merituar të qytetarëve shqiptarë”, shkruan kreu i PD.
Reagimi i plotë i Sali Berishës:
Që nga dita e djeshme, pas një rishqyrtimi të thelluar nga Departamenti i Shtetit të çështjes time, unë dhe familjarët e mi nuk jemi më të privuar nga mundësia e udhëtimit në Shtetet e Bashkuara të Amerikës. Pra, dje u korrigjua një vendim i padrejtë i administratës së mëparshme të SHBA-së ndaj meje dhe familjes sime.
Me këtë rast, dua të falënderoj administratën e Presidentit Trump dhe Sekretarin Rubio për korrigjimin e këtij vendimi të padrejtë, i cili ishte i bazuar fund e krye në lobimin korruptiv të Edi Ramës dhe mentorit të tij, George Soros.
Unë falënderoj gjithashtu familjen time, miqtë e mi shqiptar dhe të huaj, bashkëpunëtorët e mi, anëtarët dhe mbështetësit e PD-së për solidaritetin dhe mbështetjen e tyre të tejet të çmuar, të cilën e dëshmuan ndaj meje në sagen time për të vërtetën dhe dinjitetin njerëzor.
Mirënjohje të veçantë dua t’u shpreh sot mbi gjysmë milioni qytetarëve shqiptarë, të cilët, në kushtet tejet të vështira të një autokracie elektorale dhe një narkoregjimi, votuan për mua dhe Partinë Demokratike.
Duke përfunduar, ftoj anëtarët dhe mbështetësit e Partisë Demokratike të vazhdojmë pa rreshtur përpjekjet tona për rikthimin e votës së lirë dhe të ardhmes së merituar të qytetarëve shqiptarë.
