Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
POLITIKE
Bordi i Transparencës vendosi çmimet e reja, Braçe ngre dyshimin: Mos vallë na kanë grabitur tek çmimi neto ”pa taksa” i naftës?
PiranjatPërditësimi i fundit 26 Mars 2026, 22:35
Deputeti i PS, Erion Braçe, ka reaguar ashpër pas vendimit të Bordit të Transparencës për përcaktimin e çmimeve tavan të karburanteve, ku nafta u vendos të shitet deri në 203 lekë/litër dhe benzina deri në 175 lekë/litër.
Përmes një postimi në rrjetet sociale, Braçe theksoi se, si rezultat i këtij vendimi, çmimi i naftës është ulur me 11–14 lekë për litër, ndërsa ai i benzinës me 24–27 lekë për litër.
Ai ngriti gjithashtu shqetësime për atë që e cilësoi si “grabitje” në çmimin neto të naftës, pa përfshirë taksat, duke kërkuar më shumë transparencë mbi mënyrën e përcaktimit të çmimeve.
Çmimet e reja: Nafta deri në 203 lekë për litër; Benzina deri në 175 lekë për litër;
I vendosi bordi tani! Pra: Çmimi i naftës u ul menjëherë me 11–14 lekë për litër; Çmimi i benzinës u ul me 24–27 lekë për litër.
Kam një pyetje: Çfarë ndodhi? Taksat nuk kanë ndryshuar, asnjëra; atëherë? E mbani mend ç’u thashë disa ditë më parë për çmimin neto të naftës – çmimin pa taksa të naftës? Ne kishim çmimin neto – pa taksa të naftës – më të lartë, më të shtrenjtin në rajon!
Pasi kjo u tha, Luixhi hodhi në sulm gjithë njerëzit e tij, madje edhe partitë rreth tij. Çfarë nuk thanë! Madje u rikthyen te premtimi i PS, të cilin unë e kam bërë të njohur dhe zbatuar për shtatë vite me radhë për naftën e bujqve pa akcizë – në fakt po jepet fals, pra pa lekë, jo pa akcizë.
Në çdo rast, pyetja që meriton transparencë është: Në këtë model mizerabel të tregut që kemi, mos valle na kanë grabitur aty tek çmimi neto – pa taksa – i naftës dhe benzinës?
Mos valle e gjithë narativa politike dhe mediatike, e mbështetur vetëm tek taksat, ka fshehur të vërtetën me çmimin neto – pa taksa – të naftës dhe benzinës dhe ka synuar ta mbyse këtë të vërtetë? Mu siç ka mbytur konkurrencën?!
Gazetari Bledian Koka u shpreh se ‘fati politik i ministres Belinda Balluku nuk shihet si i mbrojtur nga kryeministri Edi Rama, por përkundrazi, si n...
