Në mbështetje të studentëve që protestojnë para Ministrisë së Arsimit, protestës i është bashkuar edhe ...
POLITIKE
Braçe shprehu ambicien për Tiranën, analisti: Do të tërhiqet rrugës, ja kush e merr vendimin
PiranjatPërditësimi i fundit 6 Prill 2026, 16:36
Analisti Mentor Kikia ka komentuar zhvillimet e fundit politike, ku u ndal tek Erion Braçe, i cili ka shpallur publikisht kandidaturën për Bashkinë e Tiranës.
Kikia tha se PS e ka zgjedhur kandidaturën për Tiranën dhe ajo është sipas tij, Ogerta Manasterliu. Po ashtu ai shtoi se nuk do të ketë garë në Partinë Socialiste për kandidaturën.
“Unë mendoj se kandidatin për Tiranën PS e ka përzgjedhur, është Ogerta Manastirliu e cila ka vazhduar të ndjekë një agjendë politike në Tiranë dhe konfirmon faktin që ajo vazhdon të jetë kandidate për kryeqytetin. Nuk mendoj se do të ketë garë në PS për kandidaturën, për Tiranën. Në PS kandidati nuk zgjidhet me primare, por është një vendim që merret nga kryetari i PS”, tha ai.
Ndërsa për Braçen, ai tha se do të tërhiet rrugës, pasi është kretari i PS-së, Edi Rama që i merr vendimet.
“Z.Braçe është futur me një vullnet të tij dhe ka deklaruar se do të dalë i pavarur nëse PS nuk e mbështet, por nuk e di nëse do t’i shkojë deri në fund. Në një pjesë të rrugës ai do të ndalojë dhe do të heqë dorë nga kjo ambicie, sepse pa vullnetin e PS asnjë kandidat nuk mund të ecë përpara në garën për Bashkinë e Tiranës”, u shpreh Kikia.
