Autoritetet ukrainase kundër korrupsionit, NABU dhe SAPO, kanë nisur një aksion ndaj zyrtarëve të Prokurorisë së Përgj...
POLITIKE
Topalli: Regjimi po përjashton votën e gjysmë milioni shqiptarëve
PiranjatPërditësimi i fundit 23 Dhjetor 2025, 10:46
Deputetja Jozefina Topalli ka reaguar ashpër ndaj vendimeve të Sekretariatit për Procedurat dhe Rregulloren e Kuvendit, duke i cilësuar ato si dhunë politike dhe brutalitet institucional ndaj opozitës. Ajo thekson se përjashtimi i 29 deputetëve në një ditë është i paprecedentë dhe pa asnjë bazë reale shkeljeje parlamentare.
Topalli thotë se përjashtimi dy-mujor të deputetëve të opozitës përbën heqje faktike të mandatit për një grup që përfaqëson mbi gjysmë milioni vota, në kushte zgjedhore të kritikuara edhe nga OSBE-ja.
Sipas Topallit, këto veprime tregojnë një pushtet të lëkundur, ndërsa denoncon standardin e dyfishtë: ndëshkim ekstrem për opozitën dhe mbrojtje politike për qeverinë, duke përmbyllur se “ligji për opozitën është çekan, ndërsa imuniteti për pushtetin është mburojë”.
Postimi:
Sot është mbledhur Sekretariati për Procedurat dhe Rregulloren e Kuvendit. Jo për të zbatuar ligjin, por për ta shndërruar rregulloren në mjet dhune politike. Deri në vitin 2013 nuk ka ndodhur kurrë që të përjashtohen 29 deputetë në një ditë. Nuk ka ndodhur as kur deputetë janë plagosur në seancë plenare. Sot po. Sot përjashtohen deputetë që nuk kanë kryer asnjë veprim që, në kushte normaliteti parlamentar, të thyejë rregulloren. Dhe sikur kjo të mos mjaftonte, po përgatitet përjashtimi 2-mujor — që në thelb është heqje mandati për një grup opozitar që përfaqëson mbi gjysmë milioni vota, të marra në kushte ku, siç thotë OSBE-ja, vija ndarëse mes shtetit dhe partisë është fshirë. Ky nuk është disiplinim parlamentar. Është brutalitet institucional. Është brutalitet politik. Është brutalitet ndaj votës. Kjo ndodh sepse regjimi është thellësisht i lëkundur. Nga përgjimet po del një e vërtetë tronditëse: grupe të pushtetit rrëmbejnë njerëz, negociojnë në zyra private, dyfishojnë shifrat e tenderave dhe veprojnë si strukturë kriminale e organizuar, pjesë e së cilës janë segmente të qeverisë sot nën hetim nga drejtësia. Pushteti mendon se duke përjashtuar deputetët e opozitës, do ta ketë më të lehtë të mbijetojë. Gabohen. Kjo ndodh ndërkohë që Kryeministri ka dhënë urdhër të mos hiqet imuniteti i zëvendëses së tij, e akuzuar për vepra shumë të rënda. Ligji për opozitën është çekan. Imuniteti për pushtetin është mburojë.
Analisti Andi Bushati ka komentuar zhvillimet e fundit lidhur me dosjen e AKSHI, duke deklaruar se ajo dëshmon jo vetëm vjedhjen e miliona eurove p&eu...
