Një aksident fatal ka ndodhur mëngjesin e kësaj të hëne në autostradën Levan–Tepelene pranë vendit të quajt...
POLITIKE
Bullgaria propozim Shqipërisë për integrimin në BE: Duhet të ndahet nga Maqedonia e Veriut
PiranjatPërditësimi i fundit 20 Maj 2023, 18:53
BULLGARI- Zëvendëspresidentja Iliana Iotova deklaron se Shqipëria dhe Republika e Maqedonisë së Veriut duhet të shkëputen në procesin e anëtarësimit në BE. Në një intervistë për televizionin Kombëtar Bullgar, ajo u shpreh se Bullgaria aktualisht nuk ka kërkesa ndaj Shqipërisë, ndërsa shtoi se pritet të mbahet një konferencë ndërqeveritare për të nisur negociatat e anëtarësimit.
Ajo nënvizoi se, Bullgaria nuk do të votojë për fillimin e negociatave të anëtarësimit me Maqedoninë e Veriut derisa bullgarët të përfshihen në kushtetutën e atij vendi.
“Këtu do të jemi veçanërisht vigjilentë, sepse edhe ne kemi obligim ndaj këtyre njerëzve. Nga njohja e Republikës së Maqedonisë së Veriut deri në vitin 2021, kur presidenti Rumen Radev për herë të parë ngriti fuqishëm çështjen e të drejtave të bullgarëve atje, ka një sërë dokumentesh, duke përfshirë marrëveshjet dhe kontratat dypalëshe, ku tema e bullgarëve të drejtat nuk mbulohen fare, në asnjë formë,” argumentoi Iotova.
Ajo shtoi se kjo temë mungon edhe në Traktatin e Miqësisë, Mirëfqinjërisë dhe Bashkëpunimit të vitit 2017.
"Ky gabim duhet të rregullohet dhe Bullgaria ka shumë leva edhe jashtë BE-së, duke përfshirë edhe Këshillin e Evropës. Republika e Maqedonisë së Veriut është në një regjim post-monitorimi dhe ajo temë duhet të gjejë vendin e saj edhe atje", tha Iotova.
Iotova tha gjithashtu se qëndrimi i Bullgarisë është mjaft i fortë, por duhet popullarizuar dhe mbrojtur më tej.
