Ngërçi me pagat në sistemin e drejtësisë ka sjellë edhe bojkotin e parë nga administrata gjyqësore.
Punonjësit...
POLITIKE
Bylykbashi te Ligjet: Kriza e çmimeve po rëndon familjen shqiptare, qeveria të pezullojë taksat
PiranjatPërditësimi i fundit 14 Prill 2026, 12:48
Deputeti i PD Oerd Bylykbashi, duke folur në Komisionin e Ligjeve ngriti shqetësimin për rritjen e çmimeve të karburantit dhe produkteve bazë, duke e cilësuar si një barrë të rëndë për qytetarët.
Ai theksoi se krahasuar me vitin 2012, kur çmimi i naftës ishte rreth 140 lekë për litër, sot ai ka arritur në rreth 220 lekë. “Vetëm kaq të më kuptosh që ai kërbaçi është në kurriz të qytetarëve është taksat që qeveria ka vendosur mbi karburantin. Dhe kjo reflektohet menjëherë tek të gjithë çmimet e tjera,” u shpreh Bylykbashi.
Bylykbashi argumentoi se rritja e çmimeve nuk lidhet vetëm me tregjet ndërkombëtare, por edhe me politikën fiskale të qeverisë.
Ai kritikoi mekanizmin e transparencës së çmimit të karburantit, duke e quajtur “mekanizëm i transparencës së kartelit” dhe shtoi: “Po karteli është kur një grup njerëzish mendojnë se janë më të mirë e më të zgjuar se të gjithë të tjerët dhe janë ata që vendosin.”
Bylykbashi paralajmëroi se rritja e çmimeve po ndikon drejtpërdrejt në koston e jetesës, duke përmendur produkte të shportës si buka, vaji dhe perimet. “Ata të cilët në përditshmërinë e tyre e dinë që nuk i del as të arrijnë gjysmës së muajit. Ju thoni jo. Jeni të gatshëm, unë e di shumë mirë propozimin që do të votohet kundër tashmë, po të paktën shqiptarët ta kuptojnë,” tha ai.
Si zgjidhje, Bylykbashi propozoi pezullimin e përkohshëm të disa taksave mbi karburantin deri në stabilizimin e situatës. “Tani, a ka mundësi ky parlament të paktën t’i përgjigjet kësaj? Për një hall që kanë qytetarët, t’i përgjigjet nëpërmjet një mekanizmi i cili ua heq këtë barrë, ua lehtëson. Është me një propozim me afat të caktuar, edhe sepse ende nuk e dimë kur mbaron kriza,” u shpreh ai.
