Një aksident rrugor është regjistruar mëngjesin e sotëm në rrugën “Bardhyl” në Tiranë.
Sipas informa...
POLITIKE
Cila është e vërteta amerikane për vizat? Krasniqi: Jemi i vetmi vend i NATO-s që SHBA na pezulloi
PiranjatPërditësimi i fundit 15 Janar 2026, 22:13
Politologu Afrim Krasniqi ka deklaruar se Shqipëria ndodhet në një krizë serioze marrëdhëniesh me Shtetet e Bashkuara të Amerikës, pas vendimit të administratës Trump për të pezulluar vizat, duke e cilësuar vendin tonë si të vetmin anëtar të NATO-s që përballet me një masë të tillë.
I ftuar në emisionin “Off the Record” në A2, Krasniqi tha se vendimi nuk është surprizë, por rezultat i një procesi të gjatë akumulimi problemesh që lidhen me korrupsionin, trafikun, zgjedhjet dhe standardet demokratike në Shqipëri. Sipas tij, këto shqetësime janë reflektuar në dokumente zyrtare të administratës amerikane dhe në raportet e institucioneve ndërkombëtare.
“Është alarmante që Shqipëria përfshihet në një listë ku nuk janë vende me volume shumë më të mëdha emigracioni si India, Kina apo edhe Serbia në rajon. Kjo tregon se ka një problem serioz në komunikimin dhe besueshmërinë tonë si aleat”, u shpreh Krasniqi.
Ai kritikoi ashpër reagimin e institucioneve shqiptare, duke thënë se Ministria e Jashtme ka dështuar të informojë qytetarët për pasojat konkrete të vendimit dhe hapat që po ndërmerren për zgjidhjen e situatës. Krasniqi shtoi se fakti që asnjë lider shqiptar nga Shqipëria apo Kosova nuk pritet aktualisht në Uashington është një sinjal edhe më negativ.
“Ky është një lajm i keq për Shqipërinë. Ne kemi nevojë jetike për SHBA-në dhe nuk mund t’i trajtojmë marrëdhëniet strategjike me batuta apo propagandë”, theksoi ai.
