Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Debate në Konferencën e Kryetarëve/ Bardhi akuza ndaj Peleshit: Ka deputetë që forcën e marrin nga krimi i organizuar, ke shkelur Kushtetutën
PiranjatPërditësimi i fundit 15 Tetor 2025, 10:02
Diskutimet brenda Konferencës së Kryetarëve të Kuvendit janë shoqëruar me akuza të forta nga ana e kreut të grupit parlamentar të Partisë Demokratike, Gazment Bardhi, ndaj kryeparlamentarit Niko Peleshi. Bardhi e akuzoi Peleshi për moszbatimin e procedurave dhe shkeljen e rregullores dhe Kushtetutës, duke e cilësuar si një akt diktatorial që po e çon Kuvendin në një drejtim të gabuar.
Gjatë fjalës së tij, Bardhi tha se seanca e fundit e Kuvendit u mbyll për shkak të ndërprerjes së fjalës së deputetëve dhe kërkoi ndërprerjen e seancës për arsye procedurale.
Ai e akuzoi kryeparlamentarin Peleshi se Kuvendi po udhëhiqej nga "forcat e kartonëve", dhe se opozita nuk mund të pranonte një Kuvend ku diskutimet po shuheshin për shkak të fjalës së deputetëve.
“Ajo çfarë keni bërë me seancën e fundit është shkelje e rregullores dhe e Kushtetutës,” tha Bardhi, duke cituar një fragment nga seanca e datës 9 tetor, kur Kuvendi u mbyll për shkak të diskutimeve të shumta. Ai shtoi se një pjesë e deputetëve në Kuvend "marrin forcë nga krimi i organizuar" dhe përpiqen të heshtin të tjerët. "Ne nuk marrim urdhra dhe as nuk diktohemi nga krimi i organizuar. Ta harrojnë!
Nëse ju, zoti Niko Peleshi, nuk e mbani dot atë karrige, lërojani kryetarit të grupit që e keni aty me votat e krimit të organizuar.", tha Bardhi ndër të tjera.
