Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
Deklaratë për vrasjen makabre të gjyqtarit Kalaja tek Apeli? JO! Rama preferon të flasë për “kafe ekspres dhe ndërtimet pa leje”
PiranjatPërditësimi i fundit 7 Tetor 2025, 14:22
Kryeministri Edi Rama mesditën e kësaj të marte pati daljen e parë publike pas vrasjes makabre të gjyqtarit Astrit Kalaja nga Elvis Shkambi, në sallën e Gjykatës së Apelit.
Rama foli në konferencën ndërkombëtare “Walk21” që po mbahet në Tiranë për disa çështje, teksa theksin e vendosi tek aksioni ndaj eliminimit të ndërtimeve pa leje dhe aq që siç ai shprehej “gjelbërimin” e kryeqytetit.
Megjithatë, ajo që më shumë bën përshtypje kur dëgjon fjalën e kreut të qeverisë është fakti se në asnjë moment ai nuk përmend ngjarjen e rëndë që tronditi jo vetëm kryeqytetin, por të gjithë Shqipërinë ditën e djeshme.
Rama nuk denjoi as që të shprehte të paktën ngushëllime ndaj familjarëve dhe kolegëve të gjyqtarit Astrit Kalaja, e jo më të merrej me ata që duhet të mbajnë përgjegjësi apo të sqaronte se pse në Shqipëri Gjykata e Apelit nuk ka aspak mbrojtje.
Për të mos shkuar më tej tek problemi që shqetëson shumë shqiptarë në çdo qytet të vendit tonë, problemet me pronat, që kanë marrë dhe vazhdojnë të marrin jetë njerëzish.
Si duket këto çështje janë fare të parëndësishme për kryeministrin Edi Rama, që preferon të flasë për kafen ekspres, që siç thotë ai vetë: “Në Shqipëri është ekspresi më i mirë në botë, pas Romës”.
