Bulevardi “Dëshmorët e Kombit” është mbushur me protestues që i janë bashkuar tubimit kundër projektit për n...
POLITIKE
Dekreti urgjent/ Presidenti qesharak i një parlamenti të turpshëm
PiranjatPërditësimi i fundit 26 Maj 2023, 10:09
TIRANË- Spikerja e parlamentit këtë të enjte, Ermonela Felaj, ishte veshur me të gjelbër, njësoj si ngjyra e kartonit që do të ngrinte për të votuar rritjen e pagës së ministrave, deputetëve dhe institucioneve të pavarura. Por askush nuk e pa në pamjet live të kuvendit se Presidenti Begaj kishte veshur kostumin mavi të Rilindjes. Bajrami nuk e bëri këtë përmes look-ut, por duke vepruar si një ushtar i denjë i mazhorancës.
Gjithçka ka të bëjë me interesin e një kaste zyrtarësh të lartë për të shtuar pagat e tyre. Nisur nga kjo, Kuvendi i Shqipërisë i është drejtuar me dy letra që mbajnë datën 24 dhe 25 Maj presidencës, ku i kërkonte asaj që për shkak të urgjencës që kishin ligje si ato për ndryshimin e statusit të gjyqtarëve dhe prokurorëve në Republikën e Shqipërisë, ai t’i dekretonte menjëherë këto ligje. Dhe shikoni se ç’ndodh? Po në mënyrë urgjente, shefi “i pavarur” i shtetit përgjigjet po në mënyrë urgjente, se për rritjen e pagës të kësaj kategorie, presidenti do ta jepte pëlqimin menjëherë, ashtu sikurse i kërkohej.
Vini re! Ligji në fjalë kërkon një shumicë të cilësuar… prej tre të pestave. Pra kërkon vota që shkojnë përtej vathës që kontrollon zyrtarisht Edi Rama. Po me sa duket pazaret janë mbyllur më parë.
Dhe kryetari i shtetit është edhe ai me sa duket pjesë e paktit. Sepse ai i jep përgjigje shkresës se do ta dekretojë ligjin ende pa u bërë e qartë se deputetët do të ngrejnë kartonin jeshil për atë.
Dhe e gjitha nuk përfundon këtu. Shumica parlamentare e di mirë se si një ish ushtarak i devotshëm si Barom Begaj i bindet gjithmonë urdhrit. Meqë presidenti shpreh pëlqimin për nënshkrimin e ligjit të parë Rilindja argumenton: edhe dy ligjet që rrisin pagat e ne të tjerëve janë paketë me të parin, prandaj presidenti duhet t’i firmosë me urgjencë dhe ato. Begaj përgjigjet sërish me letër se do ta bëjë urgjent. Këtë procedurë e tregoi të gjithën live spikerja e kuvendit (video poshte)
Natyrisht që jo. Sepse ata që mendojnë se presidenti është aq i bindur sa të mos vërë asnjë kusht do të zhgënjehen rëndë. Bajram Begaj e nxori një yçkël. “Unë do ja u dekretoj ligjet urgjent – i tha ai rilindasve, por kam një problem. Duhet t’i votoni ato deri në orën 14:30 të së enjtes, sepse pastaj nisem për jashtë shtetit. Dhe e gjitha kjo histori e pabesueshme e legenosjes së institucionit garant të Kushtetutës, nuk u bë përmes negociatash të fshehta. Ka ikur koha kur Rama dhe të tijët kanë skrupuj të tillë.
Spikerja e kësaj të enjteje, Ermonela Felaj e mori fjalën sërish dhe i foli deputetëve publikisht. “Duhet t’i bini shkurt diskutimeve se presidenti udhëton sot pasdite për jashtë dhe nuk i dekreton dot me urgjencë ligjet, nëse nuk i votojmë deri në orën 14:30”. Ashtu u tha ashtu u bë: kreu i shtetit e shpalli miratimin ende pa e ditur se 3/5 do ngrinin kartonin jeshil dhe këta të fundit votuan me urgjencë se Bajram Begaj duhet të nisej për jashtë shtetit.
Askush nuk pyeti se mund të ketë individë të veçuar që, kur shohin këtë maskaradë, mund të reagojnë si akademiku dhe profesori Artan Fuga: “Ore e dinë këta deputetët që janë live?
Kryetarja e seancës, zonja Felaj, njofton deputetët që duhet të nxitohen në diskutimet që bëjnë, pra ta aprovojnë shpejt ligjin për rritjen e rrogave, sepse Presidenti ka premtuar se do ta miratojë atë shpejt, meqë do të ikërka jashtë shtetit.
1. Booooo! Ku e di zonja Felaj se deputetët do ta votojnë pozitivisht ligjin pa përfunduar votimi?
2. Booooo, ku e di Presidenti se çfarë do të ketë si përmbajtje ligji, pa mbaruar diskutimi në Kuvend?
3. Boooooo, si arrin Presidenti ta studiojë ligjin, të dëgjojë ekspertët duke e miratuar në sekondë ligjin që ende nuk është aprovuar në Kuvend?
Boooooo, ku kanë arrituuuuur!
Çfarë talljeje me ligjin, me Kuvendin, me qytetarët dheeeeeee, me Presidentin”!
Kështu u mbyll kjo histoti qesharake, ku si presidenti si deputetët demostruan se janë ushtarë të denjë të paligjshmërisë. I pari se shpalli dekretin pa e ditur ende se ligjet (përfshirë dhe ai që donte 3/5) do votoheshin. Të dytët sepse ngritën plot 97 kartonë me urgjencë vetëm se Bajram Begajt i ikte avioni.
