Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
POLITIKE
"DHL-ja ka shpërndarë mbi 85% të zarfeve", Rama thirrje emigrantëve në Greqi: Tani është radha jua! Ju që jeni në ishuj keni kohë edhe 24 orë
n.fPërditësimi i fundit 5 Maj 2025, 14:53
DEVOLL- Kryeministri Edi Rama pas takimit të zhvilluar në Devoll ka ndarë një video në rrjetet sociale ku i ka bërë thirrje emigrantëve shqiptarë në Greqi që të votojnë. Rama u shpreh se DHL-ja ka shpërndarë mbi 85% të zarfeve dhe se tani është radhe e emigrantëve të përmbushin detyrën e tyre.
Më tej Rama u shpreh se emigrantët që jetojnë në ishuj kanë kohë edhe 24 orë pasi më vonë nuk arrin zarfi në afatin e caktuar. Ai u bëri thirrje që zarfi të kthehet në Shqipëri me numrin 5 për Shqipëinë e re evropiane.
"Mbarova në Devoll, tani po shkoj në Pogradec. Ndërkohë, pashë informacionin e fundit që DHL-ja ka shpërndarë mbi 85% të zarfeve, por tani është radha juaj. Është radha juaj shqiptarë të Greqisë, të regjistruar për 11 majin që ato zarfe t’i ktheni për t’i dërguar në Shqipëri. Ju lutem, mos e lini për muajin e fundit. Ju lutem, atyre që janë në ishuj, këto janë 24 orët e fundit për ta, sepse përndryshe nuk arrihet dot transporti i zarfeve nga ishujt në afatin e caktuar.
Ju lutem, ata që janë në Athinë, Selanik dhe në gjithë Greqinë, në gadishull të bëjnë të njëjtën gjë. Ju lutem, sepse ky është një takim me historinë. Kjo votë, sidomos për ju që jeni në Greqi dhe që jeni të regjistruar është kaq konkrete, është kaq e lidhur me një gjë shumë konkrete, duke filluar nga hapja e një rruge alternative për pensionet tuaja. Ju lutem! Zarfin mbrapsht drejt Tiranës, me 5-ën për Shqipërinë me BE-në në Europë, për Shqipërinë e re europiane, për shpresën europiane dhe amanetin europian të shqiptarëve dhe kurrsesi për një politikan të lashtë, të dëshpëruar, të pashpresë dhe tanimë krejtësisht të përçartur," tha ai.
