Ekziston mundësia e një takimi me Presidentin e Shteteve të Bashkuara të Amerikës, Donald Trump, në Kinë, tha sot President...
POLITIKE
"Mosha e ka lajthitur komplet," Rama: Hyni në gjynah se mbani rrugëve një njeri që duhet të shkonte në shtëpi!
n.fPërditësimi i fundit 5 Maj 2025, 13:17
DEVOLL- Kryeministri Edi Rama gjatë fjalës së tij nga Devolli ka ironizuar kreun e Partisë Demokratike, Sali Berisha. Rama u shpreh se ai është një njeri i mbaruar dhe pa shpresa. Ai nuk i ka ndaluar përdorimin e fjalëve të tjera të rënda teksa tha se mosha e ka lajthitur Berishën komplet.
Në fjalorin e Ramës gjatë fushatës është përdorur shpesh fjala çyryk teksa sot ka shtuar edhe fjalën rrugaç. Ai shtoi se personat që i japin votën po hyjnë në gjynah sepse po lënë një të moshuar rrugëve në vend që të ishte në shtëpi.
"Mirë që gjithë këto vite nuk u gjet asnjë djalë, asnjë nip që t’i thoshte baba bufit lere këtë muhabet, por sot zogjtë e tij e marrin me tendë dhe e sjellin vërdallë në Shqipëri, një njeri të mbaruar pa shprese. Mosha e ka lajthitur komplet.
Demokratët duhet tani ta bëjnë rolin e atij djalit të vogël se hyni dhe në gjynah, mirë tani votën në kënetë se nuk është hera e parë që e çoni votën në kënetë. Hyni në gjynah se mbani rrugëve një njeri që duhet të shkonte në shtëpi…Devolli vendi i njerëzve më punëtore, po kur na çojnë rrugeçër atje një gjysmak një çyryk që nuk ka lënë rast pa bërë shfaqje për të thënë unë jam çyryku," tha ai.
