Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
POLITIKE
"Disa mëri ende nuk janë harruar brenda nesh"/ Flamur Noka tregon si paraqitet situata e PD në prag fushate
b.zPërditësimi i fundit 15 Janar 2025, 20:47
Flamur Noka
TIRANË - Sekretari i Përgjithshëm i Partisë Demokratike, Flamur Noka, ka komentuar situatën brenda partisë në prag fushate, teksa është ndalur tek primaret dhe zgjedhja e kandidatëve. Në një intervistë për Top Channel, Noka shprehet se nuk ka ende një datë se kur do te zhvillohen primaret duke i vënë në pikëpyetje ato.
“Akoma nuk është përcaktuar data, janë duke u diskutuar modalitetet. Ajo që është e rëndësishme është se çdo njeri, në forcën tonë politike dhe ne opozite duhet te shohë me shume përtej vetes”, tha Noka.
Primaret në Partinë Demokratike rrezikohen jo vetëm nga koha e pakët e mbetur, por edhe nga zërat skeptik te cilët mendojnë se një proces i tillë mund të prishë ekuilibrat e partisë në prag fushate, pasi plagët nga lufta e brendshme ende nuk janë shëruar. Flamur Noka pranon rrezikun, por beson se demokratët do dinë të hedhin pas krahëve inatet e së shkuarës.
“Bashkimi ka dhënë rezultatin e vet ka krijuar frymën dhe besimin por ka individë që akoma brenda përbrenda nesh mërite dhe inatet nuk i harrojnë kaq lehtë, por demokratët kanë një gjë. Synimi i tyre është te përballemi me regjimin dhe ta mundim atë”, shtoi deputeti Noka.
Primaret duket se nuk janë i vetmi shqetësim i demokratëve , të cilët në prag te zgjedhjeve parlamentare, duhet të gjejnë një formulë që kënaq të gjithë aleatët që kërkojnë një vend të sigurt në listën e PD.
Flamur Noka: Ilir Meta është aleati ynë kryesor, pa as me të voglin diskutim është i pari që do te konsiderohet kur të përfundojmë negociatën për te qen ne listën tonë.
Pyetje: Në listë të sigurt Ilir meta ?
Flamu Noka: Pa as më të voglin diskutim.
Opozita ka vendosur të dalë me një listë të përbashkët në zgjedhjet e pranverës që udhëhiqet nga Partia Demokratike. Numri dy i Partisë Demokratike konfirmoi se ndarja e aleatëve në listën e PD do bëhet sipas peshës elektorale që ata kanë pasur në zgjedhjet e shkuara.
