Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
"Do t’i jepet status si një përfaqësi diplomatike!" Shtetit bektashi, Rama në New York: Jam mësuar që kur them diçka të re, dëgjoj shumë çudira
M.BPërditësimi i fundit 25 Shtator 2024, 15:48
NEë YORK- Kryeministri Edi Rama ka deklaruar se fjalët që kanë dalë në lidhje me krijimin e një shteti të ri brenda Tiranës, janë fantazi dhe dashakeqëse. Rama në një bashkëbisedim me shoqatat shqiptare në SHBA, theksoi se shteti Bektashi do të ketë një status ndryshe pasi dhe kanë kryeqendrën e vetë në vendin tonë. Po ashtu Rama theksoi se me Bektashinjtë kemi të bëjmë me një pasuri kombëtare.
“Jam mësuar që kur them diçka të re, dëgjoj shumë çudira, por si këtë herë, asnjëherë. Gjëja që më ka habitur më shumë, është se çfarë familje e jashtëzakonshme ekziston për urdhin e Bektashinjve. Të lexojnë, të informohen, çfarë përfaqëson në historinë e kombit tonë, çfarë pasurie e madhe është për kombin tonë. Të më thuash shtet islamik, pjellë e imagjinatës, por jo me mua. Si pasuri historike dhe kulturore, janë edhe tre komunitete të tjera. Çfarë i bashkon këto të treja dhe i ndan? Janë 3 komunitetet shumë të mëdha të shtrirë në të gjithë dynjanë.
Është një komunitet që e ka kryeqendrën e vet botërore në Shqipëri. Është një urdhër që mbahet me mundime të mëdha dhe që e ka kapacitetin e rrezatimit shumë të ulët, se kaq fuqi ka. Kemi interes kombëtar që ta ruajnë këtë pasuri? Për pak dekada do të ketë njerëz të zakonshëm, por nuk do ketë sistem me të gjitha figurat. Statusi, është të ngrihet mbi një nivel maksimal dhe të ketë një rrezatim përtej atij perimetrit të pronës së vet, janë në pronën e tyre. Ky është status si një përfaqësi diplomatike”, tha Rama.
