Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
"Objektivi ynë është që brenda kësaj dekade të anëtarësohemi në BE!" Rama në New York: Nevoja e ekonomisë për fuqi punëtore, shumë e madhe
M.B.Përditësimi i fundit 25 Shtator 2024, 15:48
SHBA- Kryeministri Edi Rama ka zhvilluar në New York një takim me disa përfaqësues të komunitetit shqiptar në SHBA. Në këtë takim Rama tha se sot objektivi është që brenda kësaj dekade të anëtarësohemi në BE, gjë që sipas tij do të ishte arritje historike. Ai ka shtuar se nevoja e ekonomisë për fuqi punëtore është shumë e madhe. Këto deklarata Rama i bëri teksa fliste për disa sektorë ekonomik si dhe pagat për disa kategori profesionesh në vend.
“Duke filluar nga një GDP që ishte 12.7 miliardë, ne morëm detyrën në 2013, tani është 25.4 miliardë. Një shifër domethënëse se cfarë ka ndodhur me ekonomijnë në Shqipëri. Sot kemi arritur pagën mestarë në sektorin publik 900 euro, në kushtet kur monedha është e fortë. Mësuesit sot e kanë pagën mesatare 950 euro. Në sektorin privat rriten sepse sipërmarrja e kupton se investimi më i rëndësishëm është te punonjësit e kualifikuar.
Duke harruar tu japësh më shumë atyre që punojnë për ty është një mënyrë e të parit shumë dritëshkurtër të ardhmes së çdo kompanie. Por edhe për faktin që nevoja e ekonomisë për fuqi punëtore është shumë e madhe. Për turizmin e keni parë. Është tanimë një sektor i ekonomisë në një shpërthim të madh, patjetër përbrenda që ky shërbim ka sfida.
Po ashtu dhe në të gjithë sektorët e tjerë. Në fund, besoj që më e rëndësishmja është që të gjitha këto bashkë kanë sjellë që Shqipëria të jetë me pozicion në botë. Më shumë se kushdo tjetër, mund ta perceptojnë ata që rrinë jashtë. Sot është shumë kollaj të takosh kudo njerëz që thonë se ishin ose kanë dëshirë të shkojnë në Shqipëri. Objektivi ynë është që brenda kësaj dekade të anëtarësohemi në BE. Do të ishte arritje historike”, tha Rama.
