Gjykata e Tiranës ka caktuar masën e sigurisë detyrim paraqitjeje për 18 persona të arrestuar gjatë protestave në Tiran&eum...
POLITIKE
Dosja 5D/ “U pyeta në mënyrë intimiduese”, Këlliçi: Avokatët e drejtorëve kaluan në akuza dhe interpretime politike
PiranjatPërditësimi i fundit 25 Shtator 2025, 11:55
Deputeti i Partisë Demokratike, Belind Këlliçi, foli para SPAK për hetimet që po zhvillohen lidhur me dosjen 5D, duke thënë se është pyetur në mënyrë intimiduese nga avokatët e drejtorëve të përfshirë në çështje.
Këlliçi ka theksuar se pyetjet e bëra ishin më shumë interpretime politike dhe akuza, duke shtuar se është përgjigjur me etikë. Këlliçi deklaroi se të gjitha informacionet dhe dokumentacionet që ka pasur, i ka depozituar në SPAK. Ai shtoi se beteja e tij kryesore është kundër liderëve të lidhur me korrupsionin, si Erion Veliaj, Edi Rama dhe Belinda Balluku.
“U thirra si dëshmitar dhe si kallëzues për dosjen famoze 5D. Jam pyetur nga avokatët e drejtorëve, jam pyetur për rrethanat, jam pyetur në mënyrë intimiduese nga rrethanat, është kaluar në interpretime politike dhe akuza. Më thanë edhe nëse fitova zgjedhjet në Bashkinë e Tiranës. Jam pyetur për burimin e informacionit, për teknikalitete që kanë të bëjnë me çështjen. Përgjigjet e mia kanë qenë me shumë etikë.
E kam depozituar gjithë dokumentacionin që kam pasur. Unë kam marrë informacione në mënyrë publike e burime dhe të gjitha i kam depozituar në SPAK. Beteja ime është me Veliajn, me Ramën, me Ballukun, të gjithë që janë përfshirë në afera korruptive”-u shpreh ai.
