Teksa vendi ynë prej 53 ditësh po përballet me protesta masive, ku kërkohet dorëheqja e kryeministrit Edi Rama, mesazhi i arkitekti i...
POLITIKE
Dule: Veprimet e PS shejtan-budallëk juridik, tradicionalisht propozimi për avokaturën e popullit vjen nga opozita
PiranjatPërditësimi i fundit 11 Dhjetor 2025, 12:06
Debati për zgjedhjen e Avokatit të ri të Popullit ka sjellë akuza të ashpra në seancën parlamentare. Në fjalën e tij deputeti Vangjel Dule i ka kërkuar Partisë Socialiste të deklarohet qartë nëse do të respektojë traditën e konsensusit për këtë post, duke i cilësuar argumentet e deritanishme të shumicës si “shejtan budallëk juridik”.
Sipas Dules, në Kuvend ekziston një “e drejtë zakonore”, sipas së cilës disa institucione kyçe drejtohen nga kandidatë të propozuar nga opozita dhe të zgjedhur me konsensus, jo me votat e shumicës. Ai theksoi se ky precedent është ndjekur disa herë në të kaluarën për postin e Avokatit të Popullit, duke u bërë pjesë e një tradite institucionale.
Duke kërkuar që mazhoranca të mos humbasë kohë me zvarritje procedurale, Dule e vuri atë përballë një pyetjeje të drejtpërdrejtë: “A i qëndrojmë vullnetit politik që kandidatura për Avokatin e Popullit të vijë nga opozita apo do ta zgjedhë me shumicën e kartonëve?”.
Sipas tij, një përgjigje e qartë është e domosdoshme jo vetëm për deputetët, por edhe për opinionin publik dhe për faktorin ndërkombëtar, i cili e ndjek me interes këtë proces.
Deputeti kërkoi që Partia Socialiste të deklarojë hapur nëse dëshiron t’i qëndrojë “frymës së konsensusit tradicional”. Në rast se mazhoranca do të respektojë këtë vullnet, ai u shpreh se vendi vakant mund të plotësohet shpejt, brenda këtij sesioni parlamentar, “me një kandidaturë dinjitoze, duke respektuar institucionin dhe traditën”.
Deklarata:
Mund ta quajmë e drejtë zakonore në këtë kuvend. Disa institucione me konsensus, jo me votë shumice, drejtohen nga kandidatura të votuara në kuvend me propozimin e opozitës. Kështu ka ndodhur disa herë me radhë për avokatin e popullit. Tani, do të më falni për termin.
Gjithçka dëgjoj nga kolegët e grupit parlamentar të Partisë Socialiste, nuk po gjej një term juridik për ta përshkruar. Është shejtan-budallëk juridik. Asgjë më tepër. Ka një diçka të thjeshtë, të drejtpërdrejtë dhe praktike dhe Partia Socialiste duhet të na kursejë kohën të gjithëve dhe të na thotë, a i qëndrojmë vullnetit politik që kandidatura për avokatin e popullit të vijë nga opozita apo do ta zgjedhë me shumicën e kartonëve?
Kjo duhet të jetë e qartë për secilin prej nesh, për opinionin publik dhe për faktorin ndërkombëtar që është shumë i interesuar për këtë zgjedhje në këtë institucion. Prandaj, le të mos e stërzgjasim nga ana proceduriale. Partia Socialiste të na e thotë qartë dhe pastër. Dëshirojnë që t'i qëndrojnë frymës së konsensusit tradicional që të vijë propozimi nga radhët e opozitës për avokaturën e popullit apo jo? Nëse i qëndrojnë këtij vullneti, nuk do shumë kohë.
Pa u mbyllur ky sesion parlamentar, mund ta plotësojmë vendin vakant me një kandidaturë dinjitoze, duke respektuar veten, duke respektuar institucionin, duke respektuar edhe traditën.
