"E gjetëm bujqësinë me riciklim mbijetese"/ Rama me fermerët në Fier: Duhet të bëjmë patjetër kapërcimin për të hyrë në BE...

Edi Rama

FIER - Kryeministri Edi Rama, ka zhvilluar mesditën e kësja të hëne një takim me fermereët në Fier. Rama deklaroi se vendi sipas tij ka bërë një progres në bujqësi ndërsa u shpreh se nëse Shqipëri futet në BE do të marrë 300 mln euro në vit për këtë sektor. 

Rama thotë se një ndër gjërat kryesore është si kalon çdo prodhim në tavolinë. Kreu i qeverisë shton se kur PS ka marrë pushtetin e ka gjetur sipas tij bujqësinë në riciklim mbijetese dhe tani thotë Rama hap pas hapi po ky sektor po pëson zhvillim. 

"Duhet të bëjmë patjetër kapërcimin për të hyrë në Bashkimin Europian sepse direkt na vijnë 300 mln euro në vit për bujqësinë, që është e paimagjinueshme. Për këtë punën e BE. Ne duhet të mbarojmë negociatat deri në fund të 2027 me se s’bën. Kemi disa çështje që po i negociojmë për të marrë më shumë kohë.

Një nga gjërat çështja është si kalon prodhimi në tavolinë, tek qumështi, therjet, është pika kyçe. Ne kemi bërë progres, por prap na duhet. Pse çfarë kujton ti? Pa veteriner, ku të shkosh? Kush të lë? Nuk është çështja për BE, por për shëndetin dhe sigurinë. Këtu çështja nuk është për të mos i dhënë, por për ti shtuar. Ose jep një subvencion si një lëmoshë sociale dhe nuk jep asgjë, vetëm riciklon mbijetesë, ose jep subvencion që jep diçka dhe ai rritet. Kemi kohë që e kemi ndryshuar linjën. I gjetëm me riciklim mbijetese dhe hap pas hapi po kalojmë tek zhvillimi. Nuk jemi aq të pasur sa të bëjmë të dyja, duhet të bëjmë një zgjedhje",- tha Rama.

fermere bujqesi edi rama