Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
“Edi Rama ka uzurpuar çdo pushtet”, Berisha: 1 mln e 99 mijë shqiptarë janë larguar për faj të tij
PiranjatPërditësimi i fundit 13 Tetor 2025, 12:55
Kryedemokrati Sali Berisha deklaroi nga komunikimi i përditshëm me gazetarët se PD-ja e mbështet anëtarësimin e Shqipërisë në BE, por sipas tij vendi ynë nuk i plotëson kriteret dhe kjo e gjitha për faj të kryeministrit Edi Rama.
Berisha theksoi se 1 mln e 99 mijë shqiptarë janë larguar nga vendi për faj të Ramës.
“Dua të falënderoj për anëtarësimin e Shqipërisë në SEPA, që u vjen në ndihmë të gjithë qytetarëve shqiptarë që të bëjnë transferta parash pa kosto me emigrantët. PD-ja si partia që anëtarësoi Shqipërinë në NATO dhe liberalizoi vizat si dhe nisi punën për anëtarësimin në BE, por që u pengua nga Edi Rama, do të mbështesë integrimin e Shqipërisë në BE si të ardhme më të ndritshme për shqiptarët. Shqipëria, përveç kriterit gjeostrategjik dhe politikës së jashtme, nuk plotëson asnjë kriter tjetër për integrimin e saj në BE. Megjithatë duhet thënë se Shqipëria nuk plotëson thuajse asnjë kriter për anëtarësimin në BE, pasi të gjitha pushtetet janë në dorë të Edi Ramës. 1 milion e 99 mijë qytetarë shqiptar janë larguar nga vendi për faj të Edi Ramës”-u shpreh Berisha.
