Një kallëzim i ri penal i shtohet çështjes së abuzimit me fondet e filialit të Postës Shqiptare në Durrës.
Sipas...
POLITIKE
Ekonomia/ Rama: Është rritur prodhimi i brendshëm, pabarazia në të ardhura është ngushtuar
PiranjatPërditësimi i fundit 8 Maj 2025, 23:08
TIRANË- Kryeministri Edi Rama ka diskutuar rreth ndryshimit të faktorëve që kanë ndikuar në ekonomi ndër vite. I ftuar në emisionin 'Top Story' në Top Channel, Rama tha se është rritur ndjeshëm prodhimi i brendshëm duke shtuar se pabarazia në të ardhura është ngurshtuar. Rama shtoi se po ta krahasosh me periudhën para se të vinte në pushtet si kryeministër, sipas tij është një lemeri e madhe.
"Një vend që rrit prodhimin e vetë të përgjithshëm në vetëm një dekadë nga 10 mld euro në 25 mld euro është një vend që krijon një ekonomi të re. Nëse do vijmë te pabarazia në të ardhura, kjo është ngushtuar. Rreziku për rënien në varfëri ka rënë, është më i ulëti ever. Papunësia është për herë të parë më pak se 10%. Borxhi publik me pandemi e tërmet në mes, nga 70 e ca ka shkuar 54. Të thuash që njerëzit sot blejnë njësoj si blinin në 2013, do të thotë të thuash që ekonomia nuk është rritur.
Të thuash që ndodh njësoj siç ndodhte. Unë po të them gjëra të thjeshta, si paska nënzhvillim bujqësia kur ne eksportonim 120 mln euro, sot mbi gjysmë mld euro prodhime bujqësore. Kur ne kishim pika grumbullimi që numëroheshin me gishtat e dorës, sot kemi një rjet të shpërndarë gjithandej. Kishim një defiçit 1 me 9, sot e kemi 1 me 3. D.m.th që ka shumë më tepër prodhim të brendshëm, mos më thoni që shqiptarët hanë 3 herë më pak. Ne ujisnim 120 mijë hektarë, sot ujisim 280 mijë hektarë.
Edhe turizmi, është një sektor që prek transportin, bujqësinë, shërbimin, po të llogarisësh sa familje shqiptare fitojnë para që ne as nuk i kemi në radarë dhe ne kemi qenë të vetëdijshëm për këtë vetëm nga dhënia me qira e një dhome për turistët. Është e ardhur kjo. Të krahasohemi me kohën e bufit, është lemeri e madhe. Shqiptarët sot jetojnë padiskutim më mirë dhe shumë më mirë. Jetojnë më mirë materialisht, moralisht, ndihen shumë më dinjitozë, ndihen shumë më pjesë e kësaj Evrope. Thënë këto, ka plot akoma gjëra që duhet të jetë shumë më mirë," tha Rama.
