Inspektorati i Lartë i Deklarimit dhe Kontrollit të Pasurive dhe Konfliktit të Interesit (ILDKPKI) raporton se gjatë vitit 2025 ka vijuar ...
POLITIKE
Çështja "McGonigal"/ Berisha: Rast flagrant dhe korruptiv! Tregoi se administrata Biden promovonte korrupsionin në Shqipëri
b.zPërditësimi i fundit 24 Shkurt 2025, 22:43
Sali Berisha
TIRANË - Kryetari i Partisë Demokratike, Sali Berisha, ka akuzuar këtë të hënë administratën e Joe Biden, se më mbështetjen që i kryeministrit Rama, pas skandalit të tij me Charles McGonigalm, tregonte se nuk e kishte çështje kryesore, luftën ndaj korrupsionit.
I ftuar në emisionin Çim Peka Live, Berisha u shpreh ndër të tjera se çështja McGonigal është sërish në tryezën e administratës së re të SHBA, pas emërimeve të fundit të bëra nga Donald Trump.
Berisha:Fitorja ka një sekret, pushtimi i mendjes dhe zemrave të qytetarëve. Fitorja ka një binom, të fitosh mendjen dhe zemrën e shqiptarëve dhe unë e shoh se kjo po ndodh. Së dyti, nuk mund ta mohoj se nëse përpara kishte një arbitër që i firmoste çdo gjë Ramës, tani ai e mori një paralajmërim në Rogner nga kryestrategu i rikthimit më të fuqishëm në historinë e njerëzimit, që dihet se ti nuk bën zgjedhje.
Ja tha në sy. Unë e marr se në rast se reziston, se unë shoh shenja të këqija, por nëse reziston deri në 11 maj, 11 maji është dita e funeralit të tij politik.
Rasti Edi Rama McGonigal i kishte hequr çdo kartë morale administratës së Joe Biden se ajo ishte kundër korrupsionit. Nuk kishte rast më flagrant korruptiv se sa ky dhe unë them se, ajo administratë me këto qëndrime promovoi korrupsionin në Shqipëri dhe botë.
Ti flet për korrupsion dhe ke tjetrin që i ka dhënë thesit me para kryezbuluesit tënd, njeriut që duhej të mbronte qytetarët nga korrupsioni, dhe nuk mban asnjë qëndrim dhe atij i fut 2 vite e 8 muaj kurse këtij i çon Antony Blinken 1 ditë para se të dënohet McGonigal dhe këtu vinte kryegënjeshtari dhe u thoshte shqiptarëve se, Edi Rama është njeri i jashtëzakonshëm dhe këtu nuk takonte asnjë njeri nga opozita, përveç se përgëzonte Altin Dumanin se kishte vënë në arrest, Sali Berishën.
Të vinte kryezbuluesi kryesor, se Nju Jorku është epiqendra botërore. Ai njeri kur kanë patur një problem themelor të CIA me Kinën, nuk kanë vendosur një zyrtar të lartë për hetimin e fenomenin, por kanë marrë McGonigal për hetimin, kaq i rëndësishëm ishte, dhe ky merr thesin.
Në një kohë kur marrin një president nga Ekuadori a se ku e marrin, e sjellin në Uashington për ta dënuar për lidhje me krimin. Por a ka lidhje më të madhe se kjo me krimin.
Në këtë kontekst kam pasur gjithnjë besim se drejtësia amerikane do të flasë. E ka dosjen këtu, e mbron Altin Dumani. Kjo dosje është ndërkombëtare dhe nuk ekziston një e dytë si kjo dosje.
Aty ka brenda në akte, udhëtimin në Vienë, angazhimi i një prokurori amerikan për të hetuar Durim Bamin.
Këto gjëra, dëshmonin këtë se për administrëtën Biden, korrupsioni ishte zero, ishte demagogji kryekëput.
Nga të gjitha deklarata e Trump, kam një deklaratë që e quaj më historike se; armiku më i rrezikshëm për SHBA është armiku i brendshëm dhe jo Kina e Rusia’, theksoi kreu i PD-së.
