Një seri manovrash janë përdorur nga Belinda Balluku, për të përfituar një vilë luksoze me pishinë në një...
POLITIKE
Çfarë kanë të përbashkët Meloni, polici dhe Rama? Narrativa kundër hetimeve dhe pengimi i drejtësisë
PiranjatPërditësimi i fundit 25 Shkurt 2026, 11:29
Çfarë e lidh Melonin, policin Carmelo Cinturrino dhe Ramën?
Një ngjarje ku një polic vret një qytetar, por efektivi u kthye në hero edhe pse kishte shkrepur armën kundrejt interesave personale dhe jo qytetare, na sjell në vëmendje, kryeministrin Rama që aktualisht para syve ka një të pandehur si Balluku por që zgjedh ta mbrojë dhe nuk lejon drejtësinë të kryej detyrën
Zhvillimet e fundit dhe hetimet ndaj Ballukut kanë sjellë një furtunë të madhe përplasjesh mes kryeministrit Rama dhe drejtësisë.
I gjendur në sikletin e madh për dosjen korruptive të Belinda Ballukut, kryeministri është detyruar të sulmojë hetimet, drejtësinë dhe gjyqtarët.
Sakaq duket se Meloni dhe Rama ngjajnë dhe në një tjetër aspekt, teksa edhe në Itali po kërkohet një referendum për ndryshime ligjore në sistemin e drejtësisë dhe në Shqipëri Rama i frikësuar nga rasti Balluku (e pezulluar), po kërkon ndërhyrjen në ligj.
Për referendumin qeveria në Itali po përpiqet që hetimet mos të shkojn deri në shkallët më të larta të pushtetit. Ndaj edhe u hapet "luftë" publike prokurorëve që hapën çështjen e policit mqse është referendumi për reformën në drejtësi dhe e vërteta doli që po duhet hetuar edhe polici.
Jo më pak se një muaj më parë një situatë e ngjashme ndodhi në Itali, kur politika vuri në diskutim hetimet dhe u kthye në mbrojtjen e një të akuzuari.
Në 26 janar 2026, gjatë një operacioni kundër drogës në zonën e boskut të Rogoredos, një oficer policie italian Carmelo Cinturrino qëlloi me armë dhe la të vdekur 28-vjeçarin Abderrahim Mansouri.
Fillimisht polici pretendoi se kishte vepruar për vetëmbrojtje, duke thënë se Mansouri kishte një armë dhe ia kishte drejtuar atij.
Hetimet e prokurorisë dhe provat e mbledhura nga autoritetet italiane provuan se Mansouri nuk kishte armë kur u qëllua.
Kryeministrja italiane, Meloni bashkë me zyrtarë të tjerë e mbrojti fillimisht policin dhe kjo shkaktoi një debat të fortë dhe kritika të mëdha pasi hetimet treguan se ai mund të ketë gënjyer dhe ka manipuluar provat.
Qeveritarët Italianë e mbrojtën oficerin duke kritikuar hetimin, por në fund gjykata nuk iu dha të drejtë.
Por Meloni është më e larë në këtë mes sepse thjesht po i mbron uniformën, kurse Rama bëhet pis në këtë mbrojtje pasi indirekt pranon që ka gisht dhe kanë ngrënë bashkë dhe i kanë ndarë ''kumbullat dhe mollët''.
Rasti në Shqipëri: Rama, Balluku dhe akuzat për korrupsion
Në Shqipëri, kryeministri Edi Rama është përfshirë në debat publik lidhur me mbrojtjen politike të zëvendëskryeministres Belinda Balluku, e cila është përmendur në akuza për korrupsion.
Rama ka nisur një narrativë kundër institucioneve të drejtësisë duke i sulmuar vetëm e vetëm që të mbrojë me çdo kusht Belinda Ballukun dhe veten e tij.
Por siç e trajtuam dhe në rastin e Italisë, këto mbrojtje shpesh mund të kthehen në minim të demokracisë dhe pengimin e drejtësisë e cila përbën një tjetër vepër penale.
Madje sipas kodit ligjor përbën një tjetër vepër penale dhe ajo e pengimit të drejtësisë.
Madje situata agravon më tej kur njerëz nën hetim lejohen të mbajnë pozicione kyçe të cilat ndikojnë në hetim dhe prishje provash, madje prokurorët ia thanë 'komisionit të mandateve' në sy se vartës të Ballukut po shantazhojnë bashkëpunëtorët e drejtësisë.
Pra në Shqipëri kemi të bëjmë me një ndërhyrje të pastër të pushtetit ekzekutiv me atë gjyqësor, kjo mund prodhojë jo vetëm hapa pas të vendit, por dhe një zhbërje të asaj që quhet 'drejtësi'.
Verdikti final në fund duhet të jepet nga gjykatat dhe jo nga politikanët, të cilët e kanë detyrim të përballen direkt me akuzat dhe jo të kundërshtojnë me sulme ndaj gjyqësorit./Piranjat News
