Një seri manovrash janë përdorur nga Belinda Balluku, për të përfituar një vilë luksoze me pishinë në një...
POLITIKE
Situata me rrugët/ Kaso: Janë simbol i abuzimit me tenderat dhe izolimit të qytetarëve
PiranjatPërditësimi i fundit 24 Shkurt 2026, 20:28
Deputeti i Partisë Demokratike, Ivi Kaso, e cilësoi situatën e krijuar në aksin Librazhd–Prrenjas, pasojë të dështimeve të përsëritura në menaxhimin e infrastrukturës rrugore.
Sipas tij, justifikimi me reshjet dhe motin është një refren ‘i bajatur’, ndërsa banorët e zonës mbeten të izoluar dhe të privuar nga lëvizja normale drejt pjesëve të tjera të vendit, përfshirë kryeqytetin.
Ivi Kaso: Është refreni i njohur, për fat të keq, dhe tallës dhe i dhimbshëm për të gjithë ata të cilët, problematika e ditëve të fundit i ka izoluar krejtësisht nga çdo kontakt normal me pjesët e tjera të Shqipërisë, veçanërisht me kryeqytetin, për një mundje, një sëmundje, një problematikë shkollore, një shkëmbim tregtar e çfarëdolloj arsye tjetër që njerëzit në këtë vend i bën që të lëvizin.
Sigurisht refreni, fajin e ka shiu, fajin e ka moti, fajin e kanë fatkeqësitë natyrore, është refren i dëgjuar, në zëvendësim të atij tjetrit që fajin e ka Saliu, fajin e ka PD-ja.
Tashmë janë refrene bajate që as nuk vlen më të komentohen.
Por siç e thashë, janë tallës për ata që i ka zënë halli. Ata të cilët prisnin që, le të themi, qeverisja Rama, të paktën për ato fragmente të vogla të rrugëve të cilat ende nuk ishin përfunduar, pasi kujtojmë që gjatë qeverisjes së Partisë Demokratike, jo vetëm u bënë veprat më të mëdha të infrastrukturës në këtë vend, të cilat e lidhën Shqipërinë nga veriu në jug dhe jo vetëm kaq, por vepra madhore e Rrugës së Kombit, bëri atë që ishte e pamenduar për shumë vite dhe dekada me radhë, pra lidhjen e shpejtë të Shqipërisë me Kosovën.
Tutje kësaj, shpresa ishte që ato pak projekte të cilat ishin ngelur për t'u finalizuar, siç ishte dhe projekti i Qukës-Qafë Plloçë, që përsëri prek këtë qark, i cili ishte tenderuar dhe ishte filluar loti i parë, të merrnin fund shpejt në mënyrë që rrugëve tona dhe infrastrukturës t'i jepnin vulën përfundimtare të një infrastrukture të denjë për një vend që synon të aspirojë në Bashkimin Europian.
Ndërkohë që krejt e kundërta ka ndodhur, është parë veçanërisht jo vetëm ministria në të cilën çdo ministër, por veçanërisht zëvendëskryeministrja tashmë përpara akuzës për shpërdorim madhor të fondeve publike në masën të paktën 1.2 miliardë euro, është parë si një lopë për t'u mjelë kjo ministri dhe veçanërisht Drejtoria e Rrugëve, ku kujtojmë që qeverisja Rama ka rekordin e trishtë të ndarjes së një loti prej 13 kilometrash në 14 tendera.
Pra, është tender dhe lote më pak se sa 1 kilometër, me qëllim që të vidhej një pjesë e mirë e fondeve maksimale me të cilën përfitohen këto, këto rrugë. Fonde, limite të cilat nuk ekzistojnë në asnjë vend të Bashkimit Europian.
Kemi parë çmendurira deri në 20 milionë euro kilometri, shumë larg shifrave që, homologët e këtyre kompanive përfitojnë nga garat e Bashkimit Europian, dhe kemi parë qëllimin e vetëm, atë të grabitjes së fondeve publike, siç ka ndodhur rëndom dhe siç duhet të përgjigjet ministrja apo dhe ish-drejtori i ARRSH-së, i cili tashmë është në burg për një pjesë të vogël të dëmeve që ka bërë në krye të këtij institucioni.
