Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
POLITIKE
Farsa elektorale/ Berisha: Komuniteti ndërkombëtar i shpalli të vdekura zgjedhjet 10 ditë përpara se të zhvilloheshin
m.lPërditësimi i fundit 23 Maj 2025, 13:06
TIRANË- Kreu i Partisë Demokratike ka deklaruar sot se zgjedhjet parlamentare të 11 majit ishin një farsë elektorale. Në një konferencë për mediat, Berisha tha se Komuniteti ndërkombëtar i shpalli të vdekura zgjedhjet 10 ditë përpara se të zhvilloheshin. Ndër të tjera Berisha shtoi se komuniteti ndërkombëtar ka deklaruar se Edi Rama po blen vota me lekë pasi pa vendimin për dhënien e 100 eurove për pensionistët dhe ka deklaruar se po blen vota me kanabis sepse ka parë vendimin e dhënies së 138 licencave.
"Rezolutat ndërkombëtare të CDI, IDU, PPE kanë denoncuar publikisht dhe me germa të mëdha shtetin e Edi Ramës si një sipërmarrje e përbashkët me krimin e organizuar. Kjo është e vërteta e pamohueshme. Pasi ato janë njohur me qindra e qindra fakte të pakundërshtueshme, kanë konkluduar se shteti aktual shqiptar është një sipërmarrje e përbashkët me krimin e organizuar. Kjo është arsyeja ndër më kryesoret se pse komuniteti ndërkombëtar i qendrës së djathtë i dënoi me dënim kapital me datën 30 prill 2025, zgjedhjet që do zhvilloheshin 10 ditë më vonë në Shqipëri. Cilido që lexon rezolutën e Valencias, të censuruar në mënyrën më totale, pothuaj, nga mediat e qeverisë për shqiptarët, konstaton se ajo rezolutë i thotë opinionit publik ndërkombëtar dhe shqiptarëve se në Shqipëri nuk do ketë zgjedhje por farsë elektorale. Kjo është e vërteta absolute.
Si për asnjë zgjedhje të tjera, unë nuk di në memorien e kohërave, që një zgjedhje të dënohet 10 ditë para zhvillimit. E them këtë sepse komuniteti ndërkombëtar kurrë nuk udhëhiqet nga paragjykimi. Ose thotë, kur nuk ka siguri, thotë ka dyshime. Por këtu nuk thotë se ka dyshime, ka deklaruar se Edi Rama po blen vota me lekë. Se ka parë vendimin për dhënien e 100 eurove për pensionistët. Ka deklaruar se po blen vota me kanabis sepse ka parë vendimin e dhënies së 138 licencave. Nuk ka deklaruar se do falë gjoba, se ky vendim ishte i dy ditëve të fundit. Pra, kemi të bëjmë një vdekje të paralajmëruar të procesit zgjedhor dhe zhvillimin e paralajmëruar të një farse të plotë zgjedhore siç zhvillohet në të gjitha regjimet narkodiktatoriale," tha Berisha.
