Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
POLITIKE
U raportua se u nda nga jeta, Artan Lame ndodhet në koma cerebrale dhe ende në jetë!
M.B.Përditësimi i fundit 22 Maj 2025, 21:48
TIRANA- Ditën e sotme u dha lajmi se ish-kreu i Kadastrës Artan Lame ishte ndarë nga jeta, por në mbrëmje ky lajm është përgënjeshtruar nga gazetari Blendi Fevziu në nisje të emisionit të tij dhe nga avokati Genc Gjokutaj me anë të një postimi në rrjetet sociale. Fevziu deklaroi se Lame është ende në jetë dhe ndodhet në koma cerebrale. Gjithashtu ai u shpreh se ky lajm është një kërkesë e familjes së tij, që një gjë që nuk ka ndodhur të mos bëhet fakt i kryer ndërsa shtoi se Lame ndodhet në gjendje të vështirë shëndetësore.
“Kam një anonçim të shkurtër, që është padyshim një nga anonçimet më të vështirë që do të bëj ndoshta edhe në të gjithë jetën time. Një nga miqtë e mi personal, një nga njerëzit që jam i bindur e ka dashur Shqipërinë dhe historinë e saj më shumë se shumë të tjerë, Artan Lame ndodhet në momente shumë të rënda të jetës së tij. Sot paradite ka dalë lajmi që ai iku nga kjo jetë, në fakt ai ndodhet në koma cerebrale.
Ka hyrë në një operacion të rëndë në zemër, pas një problem disajavorë. Operacioni nuk ka arritur ta zgjojë më, pra ai është në koma cerebrale, por është ende në jetë. Mjekët thonë që mundësia që ai të jetojë është thuajse…, pra është e vështirë. Por gjithsesi ai është ende në jetë dhe unë kam një porosi nga familja e tij që ta bëjë këtë anonçim për të thënë që të mos bëhet fakt i kryer diçka që nuk ka ndodhur ende”, tha Fevziu.
Edhe avokati Genc Gjokutaj ka thënë me anë të rrjeteve sociale se lajmi i rremë i vdekjes se Artan Lames është një nga gjestet më antihumane dhe antietike të mediave të cilat e kanë shpërndarë sot gjithë ditë. Ndër të tjera ai i uron Lames rikuperim të shpejtë dhe të plotë.
"Lajmi i rremë i vdekjes se z. Artan Lame është nje nga gjestet më antihumane dhe antietike i mediave te cilat e kanë shpërndarë sot gjithe ditën! Pavarësisht se koma cerebrale e konfirmuar eshte nje gjendje shume e rëndë ajo kurrsesi nuk mund te barazohet me vdekjen! Vdekja si akt mund te konfirmohet vetem nga stafi mjekesor pergjegjes per pacientin qe ka ne ndjekje dhe kujdes!
Ky eshte nje akt i dënueshëm, i papërgjegjshëm, joprofesional dhe nje fyerje per vete z. Lame, familjarët dhe opinionin publik! Media e vertete do te thotë raport i drejte me te verteten! Zotit Artan Lame i urojme rekuperimin e shpejte dhe te plote shendetesor me ndihmen e mjekeve dhe Zotit", shkruan Gjokutaj.
Çfarë është koma cerebrale?
Koma cerebrale është një gjendje e rëndë e pavetëdijes, në të cilën personi nuk reagon ndaj stimujve të jashtëm si zëri, prekja apo dhimbja, dhe nuk është i aftë të zgjohet. Kjo gjendje ndodh si pasojë e një dëmtimi të rëndë të trurit, që ndikon në pjesët e tij përgjegjëse për vetëdijen, si korteksi cerebral ose trungu i trurit.
Shkaqet më të zakonshme të komës cerebrale përfshijnë:
• Goditjet në tru (hemorragji ose ishemi) • Traumë e rëndë në kokë • Tumore në tru • Infeksione të trurit (si meningjiti ose encefaliti) • Helmime (nga droga, alkooli, ose substanca toksike) • Nivel i ulët ose i lartë i sheqerit në gjak • Mungesë oksigjeni (p.sh. pas arresti kardiak)
• Pacienti ka sytë mbyllur dhe nuk përgjigjet ndaj urdhrave verbalë ose stimujve fizikë. • Reflekset bazë të trurit mund të jenë të pranishme ose jo, në varësi të thellësisë së komës. • Mund të zgjasë nga disa ditë në javë, ose në raste të rënda për një kohë më të gjatë.
