Teksa vizitoi Edison Adrin, efektivin e plagosur rëndë në Spitalin e Traumës në Tiranë, kryepolici Skënder Hita bëri e...
POLITIKE
Florjan Binaj, kandidati që bashkon qytetarët – Radha i takon PD-së t’i bashkohet frontit për ndryshim në Tiranë
PiranjatPërditësimi i fundit 6 Tetor 2025, 09:33
Me më pak se 48 orë nga shpallja e kandidaturës së tij për kryetar të Bashkisë së Tiranës, aktori dhe moderatori i njohur Florjan Binaj ka arritur të ndezë një frymë shprese dhe bashkimi tek qytetarët. Përkrahja ndaj tij po rritet me shpejtësi, jo vetëm nga qytetarët e thjeshtë, por tashmë edhe nga partitë politike të reja si “Shqipëria Bëhet” e Adriatik Lapajt.
Në sondazhet e para publike, Binaj rezulton i preferuari absolut, me 75% të votave në një anketim të zhvilluar nga “Euronews”, duke lënë pas çdo emër tjetër të përfolur për këtë garë.
Në një moment kyç për opozitën, mbështetja për një figurë të pavarur, me integritet dhe besueshmëri publike si Florjan Binaj, mund të jetë hapi që PD ka nevojë të ndërmarrë për t’u ripozicionuar si zëri i qytetarëve të zhgënjyer nga politika tradicionale.
Është koha që Partia Demokratike të dëshmojë se është në anën e njerëzve dhe të bashkohet me këtë nismë qytetare që po merr përmasa të mëdha. Bashkimi rreth një kandidati si Binaj nuk është thjesht një vendim elektoral – është një mesazh i fortë për ndryshim real në Tiranë.
