Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
"Gara për tenderat zona më e prekur nga korrupsioni"/ Rama: Në prokurimet publike dikur kemi qënë 'ibret' sot jemi të parët...
b.zPërditësimi i fundit 25 Shkurt 2025, 19:21
Edi Rama
TIRANË - Kryeministri Edi Rama, gjatë fjalës së tij në takimin me asambletë socialiste të disa njësive në Tiranë u ndal edhe te çështja e shumëpërfolur e korrupsionit. Kreu i qeverisë deklaroi se zona më e prekur e korrupsionit në vend është gara për fondet dhe tenderat pasi bëhet fjalë për shpërndarjen e parasë.
Rama deklaroi më tej, se sipas raportit të publikuar nga Bashkimi Evropian Shqipëria është e para në klasifikimin e integritetit të prokurorimeve publike në rajon. Rama thotë se në krahasim nga dikur që sipas tij kemi qënë "ibret" në prokurimet publike, sot jemi të parët.
Rama: Tani, nëse ka korrupsion, ku ka korrupsion? Korrupsion ka në garat për fondet, tenderat apo jo? Ajo është një nga zonat më të prekura nga korrupsioni, sepse bëhet fjalë për shpërndarjen e parave.
Sot - nuk e themi ne këtë, po e thotë Bashkimi Europian, përmes strukturës së vet, që merret me analizën faktike, jo me gazetat dhe me portalet dhe me kanalet, - Shqipëria është e para në klasifikimin e integritetit të prokurimeve publike në rajon dhe është me diferencë. Ne jemi 80 pikë, vendi i dytë është 71 pikë, 71 pikë, që është Mali i Zi, që është bashkë me ne, më afër derës së anëtarësimit. Pastaj vijnë të tjerë. Ne jemi të parë në prokurimet publike. Nuk kemi qenë në këtë pozicion, kemi qenë ibret. Sot jemi të parët. Ku është tjetër? Është tek të gjitha ato radha e histori që për një certifikatë paguheshin lekë përpara se shkohej aty tek kopshti, te njësia pesë. Një tmerr i madh, “jo kam letër, jo s'kam letër”. Hajde, nesër”, “jo s’punon printeri, s'kam bojën e printerit” radhë e gjatë, për të marrë një dokument që ti ekziston. Të gjitha këto nuk ekzistojnë më. E dini se janë 47 milionë të llogaritura, 47 milionë kontakte për të marrë një dokument me e-Albania, që tani merret edhe nga brenda dhe nga jashtë. Tani ata që janë jashtë në diasporë, nuk ka nevojë fare të vijnë në Shqipëri për të bërë letra të caktuara. I bëjnë me telefon edhe nga Australia. 47 milionë kontakte që më parë ishin, “jo më jep ndonjë gjë, jo të jap ndonjë gjë, jo prit, jo hajde, jo fut mik”, por natyrisht që unë nuk e kam se si ta mohoj që të kemi akoma një problem jo të vogël me hipotekën.
