Inspektorati i Lartë i Deklarimit dhe Kontrollit të Pasurive dhe Konfliktit të Interesit (ILDKPKI) raporton se gjatë vitit 2025 ka vijuar ...
POLITIKE
Genta Vangjeli: OFT-të nuk kanë shërbyer vetëm si mekanizma fitimi parash për çiftit Veliaj-Xoxe, por mbi të gjitha ishin një investim për kapjen e ‘Drejtësisë së Re’
ZH.LLPërditësimi i fundit 14 Dhjetor 2024, 14:22
Genta Vangjeli
TIRANË- Zëdhënësja e Antikorrupsionit në PD, Genta Vangjeli ka risjelljë edhe një herë në vëmendje prezantimin në emisionin investigativ Plug.
Në një deklaratë për mediat, Vangjeli ka vënë theksin te organizatat e financuara nga Soros dhe kontrolluara nga Erion Veliaj dhe bashkëshortja e tij.
Vangjeli thekson se organizatat si Balkan Youth Link Albania ose shkurt BYLA, institut Benussi, dhe SHIZI nuk kanë shërbyer vetëm si mekanizma fitimi parash për çiftit Veliaj -Xoxe, por mbi të gjitha Rrjeti i OJF-ve, ishte një investim për kapjen e ‘Drejtësisë së Re’.
Deklarata e zëdhënëses së Antikorrupsionit në PD, Genta Vangjeli:
Sikurse u prezantua pak ditë më parë në emisionin investigativ Plug, Organizatat e financuara nga Soros dhe kontrolluara nga Erion Veliaj, dhe bashkëshortja e tij, Balkan Youth Link Albania ose shkurt BYLA, institut Benussi, dhe SHIZI nuk kanë shërbyer vetëm si mekanizma fitimi parash për çiftit Veliaj -Xoxe, por mbi të gjitha Rrjeti i OJF-ve, ishte një investim për kapjen e ‘Drejtësisë së Re’.
Emrat e lidhur me këto oragnizata të drejtuara nga Veliaj-Xoxe janë:
Klotilda Ferhati Bushka, aktualisht deputete e PS dhe drejtuese e Komisionit të Ligjeve në Kuvend aty ku kalojnë aktet ligjore dhe nënligjore edhe për Reformën në Drejtësi, poste këto të fituara si shpërblim për ofrimin e shërbimeve të ekspertizës apo konsulencës për disa vite që znj.Bushka kreu për shoqatën e Integrimit të Zonave Informale dhe Balkan Youth Link Albania.
Kryetari i Gjykatës së Lartë Sokol Sadushi si dhe drejtuesi i shkollës së Magjistraturës Arben Rakipi dhe funksionar të tjerë të drejtësisë, të cilët janë akuzuar nga opozita se i shërbejnë qeverisë kanë qenë pjesëmarrës të shpështë në aktivitetet dhe konferencat për reformën në Drejtësi të organizuara nga vetë Ajola Xoxa, nëpërmjet institutit ‘Benussi’.
Kreu i KLGJ së, institucionit që lidhet me emërimet dhe kontrollin e të gjithë gjyqtarëve në RSH znj.Narueda Llagami, ish Kryetare e Këshillit të Lartë Gjyqësor, në CV e saj deklaron se për disa vite ka punuar në Shoqatën për Integrimin e Zonave Informale, kontrolluar nga Erion veliaj dhe bashkëshortja e tij. Zonja Llagami u dekorua si drejtuese e KLGJ pas suksesit të punimit shkencor si bashkëbotuese së bashku me bashkëshorten e Veliajt lidhur me kuadrin ligjor mbi shërbimet e kujdesit shëndëtësor në v.2017, financuar nga instituti Benussi.
Kreu i Komisionit të Pavarur të Kualifikimit, Roland Ilia, i cili ka pasur në dorë fatin e qindra gjyqtarëve dhe prokurorëve në vend, njëherazi ka qenë relatori i Vetingut të munguar të Altin Dumanit, dhe që sot duhet të hetojë Erion Veliajn, rezultoi i përfshirë në rrjetin e organizatave të kontrolluara apo drejtuara nga Veliaj, dhe Xoxa.
Pranvera Pustina, (bashkëshortja e Floran Pustina, themelues i MAJFT dhe njohje e vjetër e Veliajt, i përfshirë në dosjen e inceneratorit të Tiranës). Zonja Pustina me detyrë Shefe e Kabinetit e Prokurorit të Përgjitshëm Olsian Çela, si një tjetër element që tregon ndikimin e Erion Veliajt në sistemin e drejtësisë, si rasti i zvarritjes që Prokuroria e Përgjithshme ka bërë me korrespodencën me autoritetet greke për të konfirmuar dëbimin dhe dënimin për Gjyqtaren Irena Gjoka Maneku, e cila me vendimet e saj la për një vit të izoluar liderin e opozitës Sali Berisha.
Emisioni Plug identifikoi emra të tjerë të eksponentëve të PS të cilët mbajnë apo kanë mbajtur detyra në rang ministri apo zyrtarësh të lartë si Delina Fico, Milva Ekonomi, Eglantina Gjermeni, Arbjan Mazniku (Zv.Ministër Arsimi), Endri Fuga (Adjutanti i Ramës), Leart Kola (Drejtor i Rinisë ne MMRS), Andi Kanaj (Drejtor i AMSHC), etj si të lidhur me organizata të themeluara me financimet e Soros).
Një gjë është e sigurt Erjon Veliaj nuk gënjeu për kolegët e tij në drejtësinë e re pranë KPK, KLGJ, SPAK, dhe Prokuroninë e Përgjithshme.
