L
Një plagosje me thikë ka ndodhur rreth mesditës në Durrës, në zonën e Shkozetit. Një i ri, rreth 25 vjeç, &eum...
POLITIKE
Gjekmarkaj: Kryetari i Kuvendit ka zgjedhur dobësinë, opozita po mbron shtetin e së drejtës
PiranjatPërditësimi i fundit 20 Janar 2026, 11:58
Nënkryetari i PD, Agron Gjekmarkaj, gjatë fjalës së tij në seancën e ankimimit të përjashtimit të deputetëve të Partisë Demokratike, tha se veprimet e kryetarit të Kuvendit tregojnë dobësi dhe mungesë të qartë guximi për të përballuar realitetin politik dhe detyrimet ligjore ndaj Kuvendit dhe qytetarëve.
Gjekmarkaj u shpreh se deputetët e opozitës po bëjnë atë që shumica aktuale nuk ka guxim ta bëjë: po luftojnë për mbrojtjen e shtetit të së drejtës dhe po përpiqen të ruajnë integritetin e institucioneve, të cilat janë marrë peng nga korrupsioni dhe praktika të dëmshme të shumicës.
Ai theksoi se kjo mungesë guximi e kryetarit është një tregues i dobësisë së tij politike dhe institucional, duke theksuar se opozita po bën një betejë për një Kuvend demokratik, ndërsa shumica nuk po përballet me përgjegjësitë e saj.
Gjekmarkaj bëri një krahasim të fortë me periudhën e komunizmit, duke shprehur se Haxhi Lleshi ka qenë më tolerant me deputetët e tij se sa shumica aktuale përball deputetëve opozitarë.
Ai nënvizoi se deputetët e opozitës po mbrojnë një vend demokratik dhe shtetin e së drejtës, i cili sipas tij sot sulmohet dhe mbahet peng nga interesat e ngushta politike dhe korrupsioni, duke i dhënë mesazhin e qartë se opozita nuk do të tërhiqet nga kjo betejë.
Fjala e plotë:
Ju jeni në logjikën e kartonave dhe jo në logjikën e së drejtës. Kryetari i Kuvendit ka preferuar të shmanget. Kjo është tregues dobësie.
Deputetët e opozitës po bëjnë atë që ju nuk keni guxim ta bëni. Po bëjnë një betejë për një vend demokratik, që etërit e tyre e kanë marrë peng.
Po bëjnë betejë për shtetin e së drejtës, të cilin ju e sulmoni dhe e keni marrë peng me korrupsion. Haxhi Lleshi ka qenë më tolerant me deputetët e tij në komunizëm se sa bijtë e Haxhi Lleshit sot përball opozitës".
