Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
POLITIKE
"Gjermania ‘shportë’ më ekonomike se ne"/ Buxheti 2025, Sula: Është planifikuar për interesa okulte të qeverisë
E.DPërditësimi i fundit 20 Nëntor 2024, 15:59
TIRANË- Deputeti i Partisë Demokratike, Dash Sula, thotë se 8.2 miliardë dollarët e buxhetit të ardhshëm të shtetit janë planifikuar për interesa okulte të qeverisë. Sula i ftuar në edicionin e lajmeve në Syri Tv tha se buxheti nuk është parashikuar për qytetarët, por të bëhet ’rrush e kumbulla’ për interesa qeveritare.
Gjithashtu Sula thekson se milionat e caktuara janë shifra të papërfillshme në përputhje me realitetin dhe kërkesat e grupeve vulnerabël të shoqërisë.
"8.2 mild euro është buxheti total i ‘familjes’, nëse e bën rrush e kumbulla, s’ke investime. Vetëm 16 mln euro janë për pensionistët, s’është rritje por indeksim. Bujqësia, 40 mln, 7mln janë parashikuar për administratën e patronazhistëve. Ne na vidhen edhe te karriget e kuvendit
Ke 11 vite në pushtet, nga 2013 deri më sot, sipas INSTAT, e ke inflacionin 34%. Sa e kemi pensionin mesatar 180 mijë lekë. Rajoni, Mali i Zi, e çoi 450 euro, 406 RMV. Bosnja, 309 euro, Serbia 388 euro/ Kosova, 20 % i rriti pensionet. Ushqimet, Gjermania pensionin mesatar e ka 1350 euro, rrjedhimisht edhe çmimet e ushqimeve janë më të larta. Çmimet e shportës janë më të ulëta në Gjermani se sa në Shqipëri, kur ata e kanë pensionin mesatar më të lartë se sa ne.
Pensionistët s’kanë rritje por indeksim. Korrupsion ka dhe në SHBA, ku është dallimi? Këeta ta marrin nga shtëpia bukën, këta thonë ti do rrish pa ngrënë vetem ne do të hamë. Bëjnë viktimën, po fundin e kanë tragjik. Shëndetësia, këta janë të pashpirt. Kur i flisja për financat ministrja e Shëndetësisë doli përjashta. S’ekziston në spitalin shtetëror, skaneri, me qëllim që të shkojnë te privati, interesa okulte. Pse se blejnë aparatin, që ëshët gropë e zezë e onkologjikut, bën sa 1 muaj e gjysmë rrogë e deputetëve," tha Sula.
