Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
POLITIKE
Hasani pret kreun e OSBE-së, njëherësh zv/kryeministrin e Maltës: Duam mbështetje të mëtejshme teknike dhe ekspertizë që i shërben integrimit në BE
M.B.Përditësimi i fundit 13 Nëntor 2024, 10:53
TIRANA- Ministri për Evropën dhe Punët e Jashtme, Igli Hasani, priti sot në një takim kryetarin e radhës së OSBE-së, Ian Borg, njëherësh dhe zv. kryeministër dhe Ministër i Punëve të Jashtme të Maltës. Pas takimit u dha edhe një konferencë për mediat. Hasani tha se u shpreh edhe mbështetja ndaj Ukrainës nga palët, kurse objektiv janë përmbushja e misioneve të organizatës. Ai theksoi se Shqipëria mbetet e hapur ndaj marrëdhënieve të mëtejshme, por edhe për diskutimet që i shërbejnë bashkëpunimit dhe rolit për paqe dhe stabilitet në rajon. Ai shtoi se Shqipëria është e vendosur për të vijuar rrugën e saj drejt integrimit dhe anëtarësimit në BE.
“Malta punë të shkëlqyer në krye të OSBE. Konsensus për çështjet jetike për funksionimin e duhur të OSBE-së. Përgëzojmë Kryesinë malteze për mbajtjen e Ukrainës në qendër të agjendës së OSBE-së. Mirënjohje ndaj Maltës për mbështetjen e dhënë Shqipërisë në axhendën e integrimit në Bashkimin Evropian. Mbështetja e Maltës u konfirmua edhe me hapjen e grup-kapitujve dhe konferencës ndërqeveritare të 15 Tetorit në Luksemburg. I kërkova Borg mbështetje të mëtejshme teknike dhe ekspertizë në të ardhmen nga Malta, që i shërben integrimit të mëtejshëm të Shqipërisë në BE”, tha Hasani.
Nga ana tjetër, zv. kryeministri Borg, kreu i prezencës së OSBE-së, tha se Shqipërisë nuk do i mungojë mbështetja në forcimin e ligjit dhe goditjes së korrupsionit. Ai vlerësoi rolin e OSBE me prezencën e saj në Shqipëri dhe në vendet e tjera evropiane. Ai përmendi se misioni ka hasur e vështirësi, por nuk e ka ndaluar asnjëherë mbështetjen, si në rekomandime për forcim të demokracisë, ashtu edhe në situatën e pandemisë COVID-19 dhe lëkundjes së stabilitetit në rajon, me krizën e luftës.
“Mbetemi të gatshëm për të mbështetur Shqipërinë për të çuar më tej rrugën e saj drejt integrimit në Bashkimin Europian, por edhe me raportet me OSBE-ODIHR. Mbështetje më të fortë prezencës tonë në Tiranë dhe vlerësim. Inkurajon Shqipërinë për të vijuar dhe çuar përpara prespektivën e saj europiane, keni mbështetjen tonë”, tha Borg.
